اللهم لك الحمد على عظيم فضلك . . امس لو ياسر بس شوي مقدم رجلة حبتين ومدخل ذاك الهدف التاريخي . . كان تغنيتو فيه شهووووور . . لكن ما أراد الله . .

ملاحظة: " أنا شفت المباراة 6 مرات ، وكل مباراة أحظ عيني على تحركات لاعب معين (عدا الأولى لأني طول المباراة كنت اصارخ وأناقز وأبقس اللي جنبي هههههههههه)

و لاحظت إن نجم المباراة وبلا منازع هو ويلهامسون ، دافع - تحرك - أشغل -صنع - سجل ، باختصار ، فعل كل شيء

ثم الكوري لي يونغ ، بصراحة ، بهذل أبو شروان بهذلة لا راحت ولا جت ، مرمطه وسحبه وخلاه مسخره ، باختصار ظهير أيمن يقوم بواجبه على أكمل وجه ولا يوجد أفضل من هذا

ثم ياسر ، ياسر اليوم فعل كل شي إلا التسجيل ، وفي كرة القدم الحديثة وحسب وجهة نظري المتواضعة ، في خط الوسط والهجوم ، الحكم على لاعب يكون بمدى فاعليته في الفريق ومدري مشاركته في صنع الانتصار وليس في التسجيل ، وإن كنت بصراحة أعتبر الهدف الرابع من المفترض أن يسجل باسم ياسر ، ياسر قطع الكورة من الخصم من نص ملعبهم ، وسحب 3 مدافعين ومرمط فيهم مرمطه الله لا يحطنا ما حطهم ثم سلمها لنيفيز وقال له تستاهل الهاتريك يالذيب

لا تبخسون أبو سعيد حقه يا جعلني فدوة لكم ، شفتو بعد المباراة ، كل اللاعبين مبسوطين إلا هو ضايق صدره ، ولسان حاله يقول يا ربي إلى متى هالنحس ، وخصوصاً في العارضة في آخر دقيقة أنا أدري إنه أخطأ في فرصتين محققتين ، لكن بذمتكم ، شفتو كلاسيكو البرشا والريال ؟؟ ، أفضل لاعبين في العالم أتتهم فرصتين أسهل من فرصة ياسر ومع ذلك ضيعوها ، ومن منا لا يخطئ ، ولكن الحمد لله على كل حال

أدري إن نيفيز سجل هاتريك ، لكن ترى يا شباب كانت كلها تجيه مقشره ولا أحلى ، هو كان نجم كبير في تلك المباراة ، ولكن الاسماء التي ذكرت أعلاه كانت أبرز منه ، يحسب له تمركزه الرائع في جميع هجمات المباراة ، نظافة تسديداته التي لا تعرف غير المرمى طريقاً

الزوري ، عطيتك تقييم في مباراة الشباب -10 من 10 ، والحين أعطيك 9 من 19 يالذيب ، شكل جيرتس جلدكم وانضبطتوا ههههههههههههههههههههههه ، كل اللي أبيه منك يالذيب شوي تركيز وشوي سرعه ، أدوارك الدفاعية أديتها بأكمل وجه بهالمباراة ولكن شوي يعيبك بطئك الهجومي

شكراً نجوم الزعيم ، كنت شايل هم لهالمباراة بس بيضتوها الله يبيض وجيهكم ، وعلى الأربعات والخمسات نلتقي