والله ورجعناك يااتي لأيامك وتتذكر أحزانك
مهما كانت الظروف اللا ترجع زي زمان
وهالمرة جبناها في يوم الخميس الملتهب
تخيل قريتس يلعب بمحور واحد بس
يعني ناويها بالضربة القاضية من بدري
والجماهير تنتظر وتبي تطرب وتستمتع
والليلة باردة وما يدفيها إلا هز الشبك
بس ويلي واضح أقشر والجو عجبه
جاب الهدف وقال لمبروك مالك لوا
بتخش برجلي وإلا بيدك إلا بتخش
وجاك نيفيز وقال ماني بعيد عن ويلي
باحطها وانت بيدك عطها الضوء الخضر
وشكلها قامت بين ويلي ونيفيز تحدي
اللي بيلقم مبروك أهداف اليوم كسبان
طيب هذا الاتحاد يعني من جد ناوين
وجاك نيفيز وحط الثالث وعطاه الغمزة
وقال باقي ترى الليل توه مبتدي يا ويلي
وحط لك الرابع وسلم على الكل برقصة
كنه ويلي حس الدعوة ماهي ماشية معه
وحط الخامس وقال تكفى ياقريتس اصبر
وقريتس رحم الاتي وقال لويلي إلا بلى
باطلعك واللي ظفر نيفيز لانه قدها
وكمل الزعيم مسلسل الخميس ياخمسة
وقاللهم ياجماعة وقفوا واكسبوا الاجر
وصدقت ياشبيه الريح كلهم نجوم زرق
حتى هوساوي مابقى شيء ماسواه
مرة دفاع ومرة هجوم ومرة صانع لعب
ووين بتروح ياللي تفكر تلعب ضد الزعيم
وهذي رسالة لكل نادي بأي مكان وبلد
الزعيم لا غضب مايرده إلا طعم الذهب
