ألف مبروك الفوز والتأهل والخروج بدون اصابات مزمنه ..


الحمد لله الفريق أدى اللي عليه وكنا متوقعين صعوبة المباراة سواء بسبب الاجواء الصعبه أو جماهيرهم أو بسبب صعوبة الفريق نفسه .. دينامو صعبين مره وأكيد تشيقرنسكي ماقصر مع بيب ..


للأسف ياجماهير نادي الحكام دايم نقول الحكام دايم يساعدونكم ويوقفون معكم وكل الناس تحبكم .. حكم اليوم وش في امه بالضبط!! ميسي لحاله بغوا يلقطون المفصل 4 مرات متتاليه والخامسه اللي طلع بسببها!! اكزافي برضو ألفيس كيتا إينيستا ويله! ماش لاعبينكم هالقزازات لازم يصيرون أقوياء ويشربون حليب .. صور مباراة اليوم تثبت علو كعب برشلونة واننا نفوز من ورى خشم الحكم زي ماسبق وسويناها وزي ماسبق وقلت هالكلمه ذاتها ..


بيب وش يحس فيه هالمباراة! والله اني احبك كـ مدرب ولا تخسى احبك في الله بس شفيك اليوم !!؟ يعني اولا توريه كان مفروض ولازم يلعب أساسي بسبب قوة المباراة وأصلا ما أشوف داعي لتحييطه متى آخر مره لعب ياخوي! غير كذا التبديلات اليوم مالأمه داعي أو سنع! ميسي من بعد الفاول اللي سجله كان مفروض مبااااشره تبديييل يابوي هو واكزافي بدون ماتفكر أصلا من ضمنت التأهل كان مفروض تبدلهم من الدقيقه 80 علشان هالبهايم مايسوون لهم شي! صحيح انتظرت لين ماجاب قول لكنك خاطرت فيه وبالنهايه خسرته فتره ماندري بالضبط كم بتصير لكن ان شاء الله نقول الاخبار صحيحه وانها بيغيب يوم السبت بس وغيره جاهز .. أصلا مباراة يوم السبت ودي يريحه من لاشيء لأن ذالبهايم ان كسروا عرفوا شلون يكسرون ولانبي غيابات بكاس العالم ..


عموما الحمد لله على كل حال والحمد لله على التأهل .. كويس الفريق يتأهل كـ أول المجموعة بسبب لعب مباراة الإياب على أرضه وان شاء الله تبتل هالميزه لنا بإذن الله ..


سمعت أيمن جاده في الاستوديو التحليلي يقول ان نسبة استحواذ برشلونة هي اكبر نسبة استحواذ في دوري الأبطال هالسنه .. أعتقد وصلت 78% .. عليكم قريق تحكيم بايخ





ميسي: الزبنه ياعيال جاكم بيكي!