^ وآفي حيـاك الله يا غالي .. مشاركتين ذهبية شفتها لك عندنا رجائي الوحيد ان نشوفك أكثر معنا ،، بأدخل في كلامك .. الحين كـ جمهور لـ الريال وش بأطلب ؟! أكيد جماهير الأندية الكبيرة ما تطلب الا البطولات وبشكل مستمر .. وبعد موب أي بطولة .. ما يرضيهم الا دوري أو تشامب .. لكن لما اجي انا كـ مدريدي وأشوف فريقي توه جديد ويتلمس طريقه وأقول ابي التشامب و الدوري و و و لأن معنا رونالدو و كاكا و بقية العيال فهذي معجزة .. مو معقول أبداً ان فريق ما له الا 4 شهور مع بعض يعطيني نتيجة + مستوى في كل متش .. هنا بأشوف الي يطلبها شخص طمـآآآع وطبعاً طمعه لـ حبه للفريق .. لكن الطلب يكون على قد المستطاع .. بالنسبة لي وللآغلبية .. ما أطلب شي من الفريق هالموسم صحيح اني اتمنى ان ناخذ الدوري و التشامب .. هو أمنيه فقط ! .. لكن كـ طلب من الفريق والله شوفة هالعناصر تنسجم وتعطيني كورة جميله وسريعة أهم بكثيير لأنها لبنٌه لـ نواة فريق عظيم خلال السنوات القادمة ولازم نصبر عشان ننٌال == أعجبتني مشاركة لـ عضو ذهبي في موقع أخر ، مقارنة بسيطة بس بين جمهور ميلن و جمهور مدريد وصحافته ! ميلن كيف بدأ الموسم !! .. هزايم وتعادلات وخسارة قوووية في الديربي ومع مدرب جديد اطلقوا عليه في فترة ’ متدرب ‘ ! .. لكن لو ننظر لـ ميلن الآن و وين وصل .. المركز الثاني في الدوري الأيطالي بفارق 4 نقاط عن المتصدر وبنفس العناصر الي بدت معه الموسم بداية سيئه رجعت وصححت وطلعت فوق . طيب مدريد ؟! .. من البداية يفوز و يفوز .. ولما خسر ! علقوا المشنقة وقالوا هاتوا ابوضـاري واكرشوه ومدري وش .. طيب مدرب جديد والعناصر جديدة .. ما فيه اي قابليه لهذا الرأي .. طيب أوكي صح بدا ابوضاري غلط لكن الحين نشوف انه يصحح كل شي .. بداية من المـداورة الى جوتي و راؤول واحد برا والثاني مجدوع على الدكة .. انا في نظري أو اقول امنيتي اني اخسر الموسم واطلع منه فاضي بس أفتك من ذا الأثنين خخ أشوفها أول بطولات مدريد في الموسم اذا كرشهم .. طبعاً كرش مبطٌن بالأحترام يعني واحد يعتزل ويفكنا من حواقه والثاني يشوفون له نايت كلوب بطل ويخلونه يرقص فيه براحته وبعقد لـ 2014 ههههههه عشان يأمن مستقبله يعني خخخ حتى الآن مدريد يمشي صح .. وبالصبر بس بنشوف فريق عظيم . == الشباب الي اشتغلوا في التقديم الله يعطيكم الف الف عافية خصوصاً حبيب قلبي خلوٌد ياليت نشوف تواجد في الأستديو .. بأسم رابطتنا يا عيال لاتفشلونا متعب احب النشـاط انا لي رجعة بكرررة .. الا اذا صار شي بطل اليوم بعد العشاء هههههههه سليم قفل جوالك انت وابودحه .. لأن الشماته بيرتفع سعرها
