باختصار البايرن يستاهل بفوز بـ 10مهوب بـ 4

دخلو المباراة بقوة .. لعبو صح وبضمير .. انتشار صح .. توزيع كور صح ...

من بداية المباراة وانا ملاحظ في كل هجمة للبايرن تحصل سبعة او ستة يطلعون مع الهجمة ضد اربع مدافعين بس ...
و في حالة الدفاع كل الفريق يرجع ما عدا اثنين قدام !!

شوفوا اللياقة و التنضيم وركزو على التنضيم الي عند البايرن والي يفقده اليوفي من بداية الموسم

قبل ما اشرشح في احد خلني استبعد بعض الناس

بوفون و كاسيراس و ماركيزيو و تريزقية .. ادو الي عليهم

كانافارو هفوات عد واغلط .. ليقرو بداية سيئة لكن تحسن بعد ما طارت الطيور !!
غروسو غايب

نجي للوسط

ميلو .. ما بي اذكر وش سوا بالظبط من حركات كعب واستهبال بايخة .. لكن ودي ادارة النادي يعاقبونه ويحاسبونه ادارياً .. لان الي يسويه باختصار مصايب

ميلو مهيب اول مباراة حتى في الدوري قدام فيورنتينا وضد جنوى و غيرها مباريات اخطائه دائما اهداف .. صاير (القنبلة الموقوته) في اليوفي...

كامو ليس في يومه .. ودييغو اعيد واكرر المركز اكبر منه ولا يقدر يشيل صناعة اللعب لوحده هو اساساً مالعب قبل كذا بالطريقة ذي .. لازم يكون جمبه مساند ...

نجي للطامة الكبرى

فيرارا

لنا خمس مباريات ما تحس اصلا ان فيه طريقة لعب متفق عليها بين اللاعبين .. لا .. ما فيه
ما فيه تنظيم بالارتداد الدفاعي او الهجومي
ما فيه اي ربط بين الدفاع والوسط و الهجوم واكبر مثال اليوم

الكرات الثابته اول في اليوفي اهداف .. حاليا مجرد تضييع وقت ...

لا يوجد عذر او مبرر للي يصير حتى الان

اليوفي اول ما طلع للسيريا A ومستواه جيد

و تم اضافة لاعبين متميزين اخر سنتين للفريق الي في الاصل هو فريق جيد

معناتها في واحد من الاثنين

يا ان المدرب ما عرف يدير المجموعة المتميزة الي معه

او ان اللاعبين لا يريدون المدرب ووجدو الاهمال هو افضل طريقة لتغيير المدرب !!

طريقة 4-3-1-2 ما تناسب الفريق الحالي .. واكثر من مرة قلت 4-4-2 الي كنا نلعب فيها السنين الاخيرة هي افضل طريقة ممكن نستخدمها ...

ليه لانها سهلة و بسيطة ومعروفة ومؤثرة وقوية وجيدة و فيه لاعبين ممتازين عندك بينجحون فيها

اكبر مشكلة اليوم واجهناها هي المحاور

ثلاث محاور لا مسانده للدفاع و لا مساندة للهجوم

صار عندهم لبس بالادوار كل واحد ينتظر من الثاني التحرك .. ففقدنا ميزة تواجد ثلاث محاور

لنا اكثر من مباراة و الطريقة هذه ما اثبتت فعاليتها الى الان !!

على العموم الي راح راح

والدوري الموسم هذا لا يضيع .. وان شاء الله مهوب ضايع