الحمد لله رحت ورجعت بالسلامه ..
وتغيرت نظرتي عن مدينة مانشستر بشكل كبييير ..
بالبداية كنت احسبها مدينه بسيطة مالها اي اهمية .. لكن الواقع يقول انها مدينه كبيره وتجاريه وحيوية ..
فيها اسواق مهيب بسيطة ابد .. وعلى ماسمعت ان مجمع ترافورد سنتر يعتبر أكبر مول في اوربا ..
تفاجأت بالاسعار .. كانت واقعيه مررره .. اسعار التكاسي و الباصات والقطارات ..
ولا انسى اسعار المطاعم .. كانت أكبر ما لفت نظري في مانشستر .. قريبه لاسعار السعودية واحيانا ارخص !!
الخدمات كانت وافره في مانشستر .. المواصلات ، التسوق ، السياحة
انذهلت من تصريف الامطار .. تمطر يوم كامل .. خلال ساعه الارض ناشفه
رحت ورجعت ما شفت مستنقعات في الشارع ..
صار لي موقف محرج في الباص .. طاحت محفظتي وفيها حوالي 500 باوند .. ونزلت ولا انتبهت .. ولما رحت لمكان لازم ادفع فيه فلوس اكتشفت ان المحفظة مهيب معي !
طلعت ادورها بالشارع وقريب من موقف الباص ولا لقيتها .. دقينا على شركة الباصات قلنا لهم رقم الباص وقالوا تحصلونه بالمكان الفلاني الساعه الفلانيه ..
لما جينا وانتظرنا الموعد .. جاء الباص وقلنا له السالفة ..
قال ايه انا بعد ما نزلوا كل الركاب شيكت اشوف اذا فيه مفقودات وحصلت المحفظة ..
جاء طلع المحفظة من عنده وقال هذي ؟
قلت عليييك نور هذي هي .. شلت المحفظة وجيت اتاكد من الفلوس حصلت مافيها شي
جاء طلع الفلوس من جيبه وقال هذي فلوسك عدّها تأكد منها ..
عديتها وطلعت تمام .. شكرته بقووووة وطلع سواق الباص مسلم
السؤال اللي يطرح نفسه اذا السواق امين .. كيف الركاب كلهم امناء ؟؟؟
تتعب تقول يجيب الله مطر انها تصير نفس الحركة عندنا



شكراً على المتابعه .. وآسف على الاطالة ..
وانصح الجميع بزيارة المدينة حتى وإن كان مايشجع مانشستر ..
اذا انت من متابعين الكورة زيارة اولد ترافورد .. راح تذهلك بشكل كبيييير .. من جد ملعب الاحلام
واذا مالك في الكورة .. المدينة سياحية مررره .. فيها اسواق رائعه وحواليها من مدن الشمال اماكن تستحق الزيارة ..

قبل ما اختم الموضوع .. ما أنسى اشكر عبدالرحمن على كرمه ولطافته وحسن ضيافته .. ولا انسى راكان بعد .. يعطيكم العافيه وما قصرتوا ..
وعلموني لا بغيتوا شي من الرياض ارسله لكم يعني غبار ولا جفاف ولا جيب هيئة
عشان ما تقولون مايردها


لكم

تقبلوا تحيتي
محمد