|
مباراة اعتزال التمياط جمهورنا سيطبق مقولة(عبد الغني الداخل وانتم الطالعين)افااااااااااا ياجماهير الهلال
السلام عليكم
بتكلم باختصار
(أتمنى تقرأون الموضوع على رواق وحبة حبة)
(أي واحد مطفي النور يولعه إللي مابيقرأ الموضوع كامل رجاء لا يرد منعا لسوء التفاهم)
الموضوع يازعماء كالتالي:
الايام القليلة الماضي كان فيه كلام في المنتدى عن مسئلة دعوة الكابتن نواف التمياط للاعب  (البطة حسينوه)
طبعا الكل بمبدأ الإجماع يرفض الفكرة من اساسها وانا اولكم
لكن خلونا نفكر بعقلانية وسؤال يطرح نفسه
من منكم مايحب نواف التمياط؟
الجواب معروف
طيب هل لانه قدم دعوة لعبد الغني راح تفوتون حفل اعتزاله؟
اي واحد ما راح يحضر بس لانه عبد الغني راح يلعب في المباراة
وقتها اسمحو لي اقولكم هذا غلط  (وماعنده سالفة) [/COLOR]
تدرون ليه؟
لأنه وقتها راح بتنطبق عليه مقولة
 (عبد الغني الداخل وانتم الطالعين)
وهذا شي انتم ماترضونه
يازعماء خذوها بالعقل تخيلوا عاد
مباراة يصرف عليها ملايين
وفريق اوروبي
واعتزال نواف التمياط
ولو صار وما حضرتوا او كانت المدرجات ماهي مليانه راح يفسر الأمر
على أنه فيه جماهير مفقوعة مرارتهم من حركة عبد الغني
لا ياشبابآخر همنا عبد الغني وحركته
بنحضر ونملى المدرج ولو فيه خير يستهبل أو يحاول يتميلح في المدرج
وبس عشان عبد الغني بيلعب ما راح تحضرون
والله قوية  , في حقنا وفي حق لاعبنا لو اليوم واحد قال ما بحضر والثاني قال انا بعد مابحضر
والثالث قال انا و10 معاي ماراح نحضر وراح نشوفها في المقهى
مين وقتها راح يودع الفتى الذهبي
مين راح يصفق له في آخر مباراة له
مين بيقوله وداعيه يآخر ليلة تجمعنا
مين راح يوقف ويشجعه
ماهو عشان الفريق الاوروبي
ولا علشانها مباراة وداعية آخر مباراة لنواف
لا بس لانه حفل الفتى الذهبي فقط تكريم لهذا النجم المميز والخلوق
ياشباب هذه رغبة الاعب نفسه هو يبغى يدعو اللاعبيين إللي لعب معاهم وشاركهم الدوري
والمنتخب
اللاعبيين إللي تجمعه معاهم ذكريات حلووووووووووو
الحركة هذي إللي سواها عبد الغني هو حر يروح ينفلق هو واخلاقه
لكن مدام هذي رغبة لاعبنا ليه نمنعه عنها
بتقولون لي (حاتم خيمي)وحفلة اعتزاله بقولكم
رجاء لا تشبهون اي لاعب آخر في التمياط
لو جماهير الوحدة ضغطوا على الاعب عشان يتراجع
عن دعوا لاعب(طارق التايب) تمنى انه يلعب معاه في نفس الفريق ولو كانت آخر مباراة
نحن العكس مارح نضغط على لاعبنا بس لان عبد الغني نسي اخلاقه في نادي الاهلي
بالله عليكم احد فيكم له قلب انه يضغط على التمياط عشان يتراجع عن دعوة عبد الغني وفيصل بن تركي
لا يازعماء نجمنا راح يعتزل وهذي المباراة من حقه يدعو فيها إللي يبي
لاعب امتعنا وخدم الفريق سنيين وقدم لنا مباريات رائعة اتركوا هذي المباراة له ساندوا فيها تراها وداعية
ياشباب من الأن ارفعوا شعار(لو تدعو مين حاضرين حاضرين)
مهما قدم نواف دعوة لأي أحد نرفضه نحن كجماهير لازم مانوقف امام رغبة الاعب
هؤلاء ضيوف نواف التمياط وليسوا اعداء هم ضيوف عند نجمنا
لازم نحترمهم ماهو علشانهم لا
بس علشان التمياط من اجلك يانواف
راح نحترمهم ولا هم ماهم كفوا
شطحة
لو عبد الغني استخف دمه وحاول يستفز الجماهير بعدها بكم يوم عندنا ديربي
فكوا حرتكم فيه هو وفريقه
أخكتم :وسن الهلالية  | 