إقتباس إعداد : مورينهو السعـودية تصميم : فيلسوف

عوآفي يالغوالي ع الشغل

جولة متعتهآ ـآقـل من الجولآت المآضيه
لكن يمكن تثير هذي الجوله متعة البريمرليج في التنافس على الصداره

/


هذي مباراة الجوله بلا ادنى شك , مباراه ما بين الفريق المتصدر واللي يقدم اقوى العروض .. والفريق المدعم بالاسماء القويه ولها الصولات والجولات وصآحب الارض والجمهور

تشلسي..:~ ما يحتاج نتكلم عنه , فنتايجه تكفي تتكلم عنه .. صفوفه متكآمله ومدربهم مدرب تكتيكي من طراز عالي .
المان سيتي..:~ صرآحه مدري وش يبون بالظبط !!
تيفيز , اديبايور , ايرلاند , فيلبس , بيلآمي , توريه , ليسكوت , وحارسهم المجنون
مع ذا الاسماء اللامعه و 7 تعادلات!!
لكن اذا الفريق فيه اسماء قويه وكبيره وما يقدم مستوى , فالعيب يرجع للمدرب
خصوصا بأن الفريق في بداية الموسم كان يقدم عروض حلوه مستوى ونتايج , يعني اللاعبين الجدد انسجموا مع بعض
يطول الكلام عن السيتزن , لكن باختصر وباتكلم عن المدرب مارك هيوز
مارك هيوز اشوفه مدرب متخوف دائما .. يخاف من فتح اللعب .. يخاف من الهجوم حتى ولو حالة الخصم مترديه ما يحاول يدكهم
فـ لو ترك التخوف عنه في هذي المباراه اتوقع انه راح يقدم عرض حلو مع عامل الارض والجمهور ورجعة روبينهو
وهذا اللي اتمناه
أتوقعها مباراه ممله نوعا ما بتخوف مارك هيوز وتكتيك هيدنك الدفاعي
وتوقعي للنتيجه 1-1

/


الشياطين و المطارق
مباراه موش سهله الا عند اللي مستحقر ويستهام
ويستهام , مستوياته مثل فيس بن فهره , خيآس واذا تألقوا تعادلوا
والمانيو لعبه اشوف فيه المزاجيه .. اذا كانت المباراه قويه لعبوا او اذا تعسرت امورهم قدموا العروض الرهيبه
عموما .. اذا المان ظغط واللاعبين بالفورمه والسير ما تهاون ابد , فـ اتوقع انهم رآح يخربون نفسيات لعيبة ويستهام من الشوط الاول
أتوقعها 3-1 للمانيوو بإذن الواحد أحد

أتمنى التشكيله تكون تسذا

ابو ساره

ايفرا - فيدا - المكدش - نيفل

بارك - كاريك - فليتشر - فالنسيا

روني - بربا

هذا ما بجعبتي
وفيني نوم والا تسآن حتسيت عن الكبيرين الباقين

عوآفي مرتن ثآنيــه