السلام عليكم ورحمة الله وبركاته
الله يعطيكم العافية شباب رغم ان التفاعل قليل جدا
فيصل حياك الله انت وابوحميد فاقدينكم مؤخرا
النقاش جميل وابتكلم عن النقطتين اللي تكلم عنها نواف
الصحافة في ايطاليا قاسية جدا
كل نادي له صحيفة تواليه واحيانا تجيب العيد فيه
بالنسبة لصحاففة اليوفي فما الومها , فريقها داج هاج وعلقو الامل على دييجو انه يكون المنقذ , للاسف حال صحافة اليوفي مثل صحافة النصر مع احترامي لهم
يطيرون الللاعب بالسماء وبعدين يخسفون فيه بالارض
سعد الحارثي كان الذابح ومدري ايش
يوم قرب يوقع للهلال طلع زلابة والجماهير شايلته وهو ما عنده سالفة
يوم وقع مع النصر رجع الذابح ومدري ايه
صحافة اليوفي تدور اي شماعه تعلق الامل عليها
لكن ترييشها بدييجو مالومها فيه
دييجو فنان ما احد يختلف عليه ويكفي ان موجي كان ناويه في 2002 لكن فضل اوليفيرا
عليه , واكيد موجي ما حطه بالقائمة عبث والكل يشهد بفنيات دييجو واسالو الدوري الالماني عنه
لكن وش السبب ؟
هو النقطة الثانية
خل اعطيكم اقرب مثال
منتخب انجلترا كان ضعيف جدا في بداية الالفية والظاهر المدرب كان كيفن كيجان علىما اعتقد
جاهم مدرب في 2001
مع اريكسون تغير المنتخب وصار قوي
خرج من 2002 بهدف حظ من بطل النسخة البرازيل
2004 طلع بالبلنتيات وهذي ما يلام فيها المدرب
2006 طلع برضة بالبلنتيات رغم ان الانجليز كانو ناقصين روني وضغطو على البرتغال وبغى كارجر يسجل هدف باخر دقيقة
اريكسون طلع روني للعالم ووضع الثقة فيه في اوربا 2004 وعمره 17 او 16 على ما اذكر
وبرضة ضم ثيو والكوت في 2006 وهو برضاعته
وهذا دليل على دهاء وحنكة المدرب
بعد استقالة اريكسون وش صار للمنتخب الانجليزي ؟
استلم الدفة
مكلارين
الاسماء نفسها , بالعكس نضجت اكثر وخبرة اللاعبين مع بعض صارت اكثر يعني اتلجانس صار افضل
وش اللي حصل ؟
فضيحة بحق الانجليز ولا تاهلو لامم اوربا 2008 لدرجة ان كرواتيا قالو في كاس العالم 2010 نتمنى الانجليز في مجموعتنا من الطنازه
بعد ما شاته الاتحاد الانجليزي , حضر الداهية
عاد لا تعليق هنا !! منتخب ياكل الاخضر واليابس حتى وهو يلعب بالصف الثاني يبدع
لان المباراة مثل الشطرنج يبغالها واحد داهية , مهوب كل من قعد صار مدرب
شوفو انجلترا كيف مع كابيلو فريق مرعب لو بتدعي على واحد قله جعلك تلعب مباراة مع انجلترا كابيو !!!!!
من هنا الاستنتاج واضح
اسد يقود 1000 حمار ( اعزكم الله ) احسن من حمار يقود 1000 اسد
هالقاعدة تنطبق على كل مجالات الحياة سواء الشركات او الجيوش او الدول وحتى منصب مدرب الفريق
يعني العلة سهلة وواضحه
الخلل من اللي يقود سفينة الفريق , فيرارا ما عنده شي في التدريب ولا الومه
تدرون ان فيرارا ما قلب اي نتيجة مع اليوفي وحده يتعادل وصارت قدام جنوى بس ؟
يعني اذا ماجاب هدف انسى يفوز
واخطاء فيرارا كلنا نعرفها
انا مع ابوحميد ان فيرارا مشروع مدرب وباين عليه , لكن غلط انك تخليه يمسك اليوفي مرةوحدة على الاقل خله يجرب فريق غيره
بيب قوارديولا كان ماسك شباب البرشا يعني عنده خلفية والدوري الاسباني دوري ما يحتاج تكتيك وانضبااط عالي مثل الكورة الايطالية والدليل شوفو الايطاليين ماسكين منتخبات اجنبية
هذا ما عندي والله اعلم
