كل عام واماراتنا بالف بالف بالف خير ..

والله يديم نعمة الامن والامان في بلادنا ..

ويحفظ شيوخ الامارات وحكامها .. وشعبهااا ..

صراحه الفرحة ما تنوصف ابداا ..

::

السموحه منج يا الامبراطورة .. حبيت اوضح شي لكمن عضو ..

الامارات تحتفل اليوم بمرور .. 38 سنة وليس 35 هذا شي ..
والشي الثاني .. صح انه احنا ما صار لنا الا كم سنة .. لكن فعايلنا غلبت .. اللي صارلهم 200 سنة ..
والعالم تشهد لنا ..

وبعد حبيت اوضح .. غلط يكرره الاماراتيين وايد .. وانا منهم .. تسمية اليوم الوطني .. بــ عيد الاتحاد ..
صحيح انه للمسلمين عيدين .. لكن اقول انه توحيد بلادنا .. هو عيد بالنسبة لنا .. كمسمى طبعااا ..
ولكن هو اسمه اليوم الوطني .. وكلنا نعرف انه اليوم الوطني وليس العيد ..

والله يحفظ شيوخنا .. واماراتنا ..

وامس التمام الناس حول الامارات في البرامج التلفزيونية .. من السعوديه وقطر .. والبحرين وعمان .. وغيرها من الدول العربية ..
تأكد انه نحن العالم كله يحبناا .. والسبب من الحكومة الرشيده .. اللي على قولة الشاعر خالد العتيبي وغيره من الاخوان .. الشعراء .. انه زايد مب بس وحد البلاد .. زايد بنى دولة بحكمة وسياسة وما خلق بينا اعداء عشان يكرهونااا .. بالعكس الناس حبتنا من طيبتنااا و سياستنا .. وحكمتنااا ..



واتصال السعوديين وانتظار الخطوط الهاتفية لمدة طويله يبين لنا حبهم لنا ..
والاخت المتصلة من الرياض .. اللي قالت اهني والدي الشيخ خليفة بهذه المناسبة .. يبين لنا انه شيوخنا وصلو لقلوب العالم ..
و الاسبوع اللي طاف كنت انا في الدمام والخبر في السعوديه .. وشفت السيارات اللي ملصقه صور الشيخ خليفة واعلام الامارات مع السعوديه .. وارقام السيارات سعوديه .. واستانست على هالحركات الروووعه من الشعب السعودي ..

مثل ما قالو عيدنا هو عيدهم .. وعيدكم هو عيدنا ... وانا اشهد

وهذا من فضل الله ومن ثم فضل الشيخ زايد والبقية ..

الله يحفظ شيوخنا وبلادنااا ويرحم باني دولتنا ..
عسى ايامنا كلها اعياد واعياد وافرااااح ..

والسموحه ع الاطاله ..