تدرون وش عيبنا ..؟!
اننا بعد كل خسارة او بالمعنى خسائر متواصلة نلقي اللوم على فينجر وخلاص نستسلم وان كل شيء انتهى .. !!

من كان هدفه الكارلينغ ينام بسلام احسن له , لان طموحنا ابعد من كذا , الدوري باقي عليه دور كامل مع بعض المباريات من الدور الاول ومؤجلة بولتون , دوري الأبطال متصدرين مجموعتنا والحمد لله وضعنا مريح ودائماً ما نقدم بالابطال مستوى ممتاز حتى في حال غياب ابرز اللاعبين وعندكم المواسم الماضية كأبرز مثال .. !

رغم كلامي هذا بنعيد الموال كل مره وبعد كل خسارة بنشوف مثل هالردود السلبيه الي الصراحة انا اشوفها ترفع ضغطي وين روحكم لما يفوز الفريق .. ؟ وين صبركم عليه طول الفترة الي راحت .. ؟
معليش انا من عرفت الارسنال وسنيني الي تابعته فيها تجيه فترات يرفع الضغط بس تضل له حلاوته .. !

بتقولون لي يا سنيورة أي حلاوة وما شفنا بطولات من سنين ..!
اقول لكم يا ما فرق قعدت سنين وما اخذت بطولات .. !

عندكم على سبيل المثال فريق " مانشستر يونايتد " , ما اخذ الدوري 3 سنوات من بعد دوري 2002/2003 حتى 2006/2007 .. !
وما شفنا التهكم الي شفناه من مشجعين الجنرز .. ! , صحيح الكل محتاج لبطولة لكن الصبر والصبر , مليت وانا اكتب هالكلمة الي يشوفكم يقول انكم اول مره تشجعون الارسنال ... انا مابي افتح موضوع التحكيم واقول انه ياما بطولات طارت مننا بسببهم لكن هذا ما يمنع اننا نصبر .. !
على الأقل خلو نصر البريمر ليج " ليفربول " .. يكون محفزكم لهم اكثر من 19 سنة ما شموا الدوري .. حنى 5 سنين وقلبناها صياح .. !
ثقوا بنفجر وبالشباب الي معاه وان شاء الله الدوري يكون من نصيبنا واننا تونا بالبداية .. عندنا بعض المراكز الي تحتاج لتدعيم وان شاء الله بالسوق الشتوية يتم تدعيمها .. !

واسفه على الاطالة لكن حر ما فيني .. ! < -- انتبهوا لا تجلدكم بس