إقتباس الرسالة الأصلية كتبت بواسطة Mr.Scrub بصراحه فيه مدرسين دين أو الملتزمين عموماً لما ينصحون تنفتح نفسك لهم ويحرجك بـ أسلوبه ومر علي كثير منهم .. في المدرسه أو في الكليه أو حتى في الشارع تلقى ملتزمين عندهم أسلوب في النصح وبعض الأوقات يوصل لك النصيحه بطريقه حلوه ومن غير مايقول لك أقطع الأغاني مره وحده .. بصراحه مايقهرني ألا اللي بيجي ينصح ويستفزك في نفس الوقت , سوءٍ بقصد أو بغير قصد .. على العموم بعض الأيام الصبح وأنا رايح للكليه أشغل البرنامج الثاني من جدة < كل ماحطيت أذاعة السعوديه يقولون كذا , مدري متى يجي البرنامج الثالث تسمع سواليفهم السامجه وتضيع وقتك , حتى من تالي صاروا ينقلون عروس مباشره وحصري بعد !! مره ناقلين عرس واحد أسمه معاذ وأبرار , ويجيبون لقاء مع المعرس والعروس وأمها وأم المعرس يعني مثل كذا اسمعهم وضحك عليهم شوي ومنها تخفف من سماع الأغاني وغير كذا في أشرطة شعر تلهيك عن الأغاني , صحيح اسمعها بس أقل من قبل وأرجع وأقول الله يخلي لنا الشعر والبرنامج الثاني من جدة ماأخفيك أني بعض الأيام أحط أذاعة القرآن , بس أغيرها مدري هو من الشيطان ولا من هذه الأيه... ﴿ وَإِذَا قُرِئَ القُرْآنُ فَاسْتَمِعُوا لَهُ وَأَنصِتُوا لَعَلَّكُمْ تُرْحَمُونَ ﴾ بعض الأوقات اكون سرحان واهوجس علشان كذا أغيرها الله يبعدنا وياكم عن الأغاني ونتركها لا يكون طولت عليك ,, أخوي سامي صعب يتكرر الله يجزاك خير , والله يعطيك العافيه

هلا وغلا بكل السكاريب والمفاتيح وكل العده

حيا الله مستر سكروب ..
مثل ماقلت وانا اخوك الاسلوب الزين يفرض نفسه ويفتح النفس وعكس كذا صعب تقبله من الناس والكل عارف هالكلام وانا والله مثلك ارتاح اذا سمعت اذاعة القران واحيانا احب اسمع اذاعة الرياض فيها برامج رائعه وهادفه تعجبني اما الااغاني والله من يوم اسمع اغنيه على طول يجيني ضيقه سبحان الله والحمدلله ماني مدمن للأغاني ولا احب اسمعها واحيانا الله لايبلانا تمسك معي غلط واسمعها بس مثل ماقلت لك ماارتاح احس بضيق شديد وعلى قولتك الصبح احلى شي قران وفيه ناس الله لايبلانا يصبح على اغاني ويمسي عليها الله يهدينا ويهديهم يارب ..

شكري وتقديري لك ولتفاعلك يالغالي