هلا يا شباب !


مبرووك العيد ما عايدناكم صح

و مبروك الوصول للنهائي مقدما < تو الناس

~~

إقتباس شباب بتكلم عن نقطة بالرابطهـ واللي هي قلة النقاشات بشكل غير طبيعي .. يعني مانشوف الا قرق شوي بعد من ريدفيلزي والباقي صارت اخبار وتعليقات بسيطهـ اتمنى يكون هالنقاش اللي بسويه بداية لنقاشات قادمه !

^^^

و أنت الصادق عزوز .. ما في نقاشات حتى قبل المباراة .. ولا بعد المباراة
و هذي مخلي وضع الرابطة مزري إلى حد ما .. بس ننتظر فترة العودة للدوامات و المدارس .. الكل يبي يقرق هنا ..

المشكلة الحين جو كشتات .. و اللي بيسافر الزلفي < مهووب انا بس عزوز
أعتقد حتى في أعضاء هنا .. ساحبين على الرابطة من الناحية الترويحية

يعني أخبار تنزل و تصاريح بس .. قسم بالله ملل ولا يجي واحد يسوي اقتباس و يعلق على تصريح ولا موضوع

أنا ما أذب عليكم بالعكس كثر الله خيركم .. بس تراها تجيب النوم .. يعني المفروض بدال 3 او 4 ينزلون تصاريح و أخبار و 3 أو 4 يقعدون يعلقون عليها .. المفروض تصير نقاشات .. و عرض مستوى اللاعبين على بعض

و الكلام على ديفيد سيلفا .. و ديفيد فيا .. و منهو الأنسب و الوقوف على مستوى لاعيبتنا ..



لكن انا منب قاعد اقرق عليكم .. ثم أمشي .. بتكلم على مباراة الأمس و على مستوى بعض اللاعبين اللي هم طموحنا و مستقبل مانشستر !

!



Tomasz Kuszczak

.. صراحة هالحارس يفاجأني دائما بمستواه الراقي .. و أداءه اللافت .. قال إيش قال فوستر .. قسم بالله مظلوم هالحارس .. و أمس قدم مستوى خيالي .. يعني خروجه و توقيته سليم جدا .. و أيضا تمركزه على خط المرمى كان في أكثر من لقطة ممتاز
جرأته و بروده اذا رجعت له الكورة و قدامه لاعب من توتنهام .. كل هالمقومات تنتظر إنها تقدم افضل ما لديها في مباريات الدوري الصغيرة .. و لا يهون أبو سارة .. بس مباريات الكارلينج شوية و ما بقى شي ع النهائي ..!

Gary Neville

مستواه ثابت صراحة .. لكنه هجوميا كان عادي .. حتى الجهة اليمنى كانت غير خطرة على توتنهام .. تمنيت وجود رفاييل مكانه بس عاد الظروف
لكن جاري أثبت إنه ما حان الوقت للرحيل و إنه جاهز كبديل و كقائد للفريق ..

Wes Brown

ما ودي أحش بهالرجال .. لكن مستواه متقلب مو في المباريات .. لكن وسط المباراة تشوفه دقايق ممتاز .. و دقايق مادري وش يحس به .. عموما وجهه و جه خير صراحة ! و أنا أشوف إنه أفضل من الريو حاليا .. بس يحتاج مباريات علشان يدخل الجو شوي .. و أقرب مثال جون أوشيه .. يوم صار يلعب أساسي دايم .. رجع أحسن من أول و نسينا شي أسمه النكبة أوشيه

Nemanja Vidic


مادري فيديتش هل هي نهايتك أم فترة و تعدي .. فديتش صار الفترة ذي فيه برود .. و مستواه متوسط على غير فيديتش السنة الماضية .. إن شالله انها تكون فترة و تعدي .. و يرجع في المباريات الكبيرة و ياخذ أحمر بعد

Ritchie de Laet

صراحة أول مرة أشوفه هاللاعب .. هو مركزه ظهير .. !
بس من خلال المباراة .. أشوف إنه مرتبك .. كأي لاعب صغير توه يشارك مع الفريق ! لكن إن شالله أملنا فيه كبير خاصة إنه بلجيكي

Park Ji Sung

آآآآآه منك يا شمشون زمن والله يا بارك .. !
صراحة عقب الاصابة و الانقطاع اللي صار له قبل و بعد الاصابة .. مستواه نازل .. و مهوب مثل أول .. لكن هذي مشكلة مانشستر حاليا .. اللاعبين اللي منقطعين عن جو المباريات ! و هذي غلطة فيرجسون في البداية يوم انه ما يحافظ على تشكيلة معينة .. كل يوم طالع لي بخطة جديدة و لاعبين جدد ! لكن أذكركم بارك بينتفض نهاية الدوري

Anderson

لاعب مستواه ثابت .. سريع .. مهاري .. مدافع .. مهاجم من وجهة نظري إنه مايسترو الوسط و الحلقة بين الهجوم و الدفاع
صراحة موهبة تحتاج إلى النضج .. و تحتاج للخبرة .. و أذكركم إن اندرسون سيكون فال خير على مانشستر في الدوري و في الأبطال


Darron Gibson

صراحة هذا اللاعب صحيح ما يلعب أساسي .. لكن من يطب الملعب يسوي بلاوي ..
صراحة من مباريات المانيو التجريبية و انا متفائل فيه خير .. لكن الشايب ما عطاه فرصة .. بس صراحة لاعب له لمسته و له مكانته في خط الوسط ..
لكن مشكلته إنه محور .. و المحاور زحمة عندنا إلى بكرا ..
أقترح إنه يعار لفريق ثاني .. عندنا ماشالله فليتشر و كاريك و اندرسون و سكولز و بارك أحيانا ينفع محور و صعبة يمسك له مكان .. و حرام إنك تجدعه احتياط
المفروض يعار لنادي غير انجليزي .. لو يلعب في الدوري الفرنسي او الايطالي ..
ميلان كلهم شيبان .. امبروسيني و جوتوز و طقتهم .. لو يروح لهم اعارة سنة أزين له ... ممكن يسوي أنجاز و ياخذ معهم الدوري

Gabriel Obertan

بدري عليه هاللاعب .. اصبروا له .. مشكلته دمجته ثقيلة شوي
يبيله ياخذ جوه و يتعود على لعب مانشيستر .. ما أقدر أقول غير إن مستواه متوسط نوعا ما .. و أصلا أمس الوسط كان مستواه عادي .. فما أقدر أقول فيه شي
الصبر .. الصبر !

Dimitar Berbatov

أول شي نعيما ثاني شي مادري أمس كم كورة لمستها .. بس ما تتعدى 10 كور بس
مادري وش صاير لك عقب اصابتك .. ابتعدت عن الفريق الأول و رجع مستواك الزفت ... ننتظر عودة مستواك على أحر من الجمر

Danny Welbeck

صصصراحة أفضل اللاعبين الشباب ..
و من أحسن المستويات أمس .. لكن مشكلة الوسط ما يساعد .. حتى إذا لعب مع الفريق الأول يصير جناح بالعربي حظه زفت ..

أنا أشوف في انخفاض مستوى بربا .. و أوين اللي مادري وش يحس به .. أشوف لو يلعب أساسي مع روني .. و يكون روني خلفه .. صراحة بنكتشف اللاعب من جديد
بس لو تخلي عنك حركات ريان بلال .. كان تصير أطلق من انيلكا



و نسيت بتكلم عن واحد كان أحتياط .. و دخل الشوط الثاني بدال بربا ..

ماكيدا .. كيكو

مشكلته طاروا فيه بالعجة يوم سجل على استون فيلا .. و اللاعب ما بعد طلع من البيضة .. < اخس ياللي طالع منها

صراحة صاير أناني .. و الفريق يلعب لحاله و هو يلعب لحاله .. المفروض من فيرجسون يعطيه تعليمات خاصة , و يهدده .. البزران ما ينفع بهم الا كذا

و صدقوني ماكيدا بحركاته ذي ما راح يصير نجم .. إلا بعد 3 سنوات إذا صار رجال و فاهم ..!


في النهاية .. الصدارة على بعد مباراتين .. و يا رب يا رب .. دروجبا تجيه اصابة .. و ما يلعب قدام ستي ... و يارب تيفيز يستلج و يسجل هاتريك



تشآو