مشاهدة مشاركة بصفحة مستقلة
  #8930  
قديم 02/12/2009, 03:38 AM
الصورة الرمزية الخاصة بـ هلالي الكتلان
هلالي الكتلان هلالي الكتلان غير متواجد حالياً
زعيــم نشيــط
تاريخ التسجيل: 21/02/2008
المكان: !! .. Xx Unknown where xX .. !!
مشاركات: 927
.

إقتباس
][ ... الموندو تشكك في علاقة ميسي و ابرا ... ][


الله يلعن الموندو على رئيس تحريره والقائمين عليه !

أخبار متعودينه من هالصحيفة من يوم عرفنا برشلونة استلموا غرفة ملابس برشلونة والخراف السود بعدين حولوا لروني بعدين حولوا لايتو والحين فتحوا هالموضوع ؟!! تشك أنه تطبع بمدريد !



**

الفريق بالهفترة يمر بمنعطف هام وخطير بهالموسم ! والفترة اللي أقصده هي مباراتين خارج أرضنا ضد خيريز والديبور بعدين مباراة ضد دينمو بالأبطال وبعدها ديربي كتلونيا بعدين السفر لأبو ظبي عشان كأس العالم !

فترة فيها ظغط شوي وتداخل 3 مسابقات يمكن يشتت اللاعبين ، ناهيك عن السفر والارهاق لأننا بنلعب 3 مباريات من أصل 4 خارج الكامب نو وبنسافر لبطولة العالم بأبو ظبي !

عشان كذا أعتبرت أن هالفترة تعتبر منعطف هام لازم نطلع منه بأقل الأضرار ، ولا أنسى الجدولة الغريبة للاتحاد الاسباني اللي من الموسم اللي راح وبيب يصيح عليهم ويقول ليش أغلب مبارياتنا وخاصة اللي خارج أرضنا تلعب الـ 10 مساءً - بتوقيت اسبانيا - ؟!! ومباراة بكرا أقرب مثال رغم أنه مافبه مباراة غيره وكان بالامكان اختيار وقت أنسب له !

طبعا ً عملية اللعب بهالوقت تسبب ضرر كبير يمكن ألخصه بـ :

- أحياناً الفريق يظطر ينام بالمدينة اللي يلعبه بسبب عدم وجود رحلات ولأن المطارات ببعض المناطق تسكرالساعه 11 بتوقيتهم وأذكر بعد مباراة بيلباو هالموسم 1-1 صار فيه حب خشوم عشان يفتح المطار والفريق يرجع لبرشلونة لأن ورانا مباراة الانتر بالأبطال ! ولو نام الفريق نعرف أنه كثير يصير فيه مباريات بعد 3 أيام معناته الكوتش مايقدر يعطي اللعيبه راحه وأول ماينزلون المطار يالله سيدا على المدينة الرياضية وهالوضعية شفناه أكثر من مرة هالموسم !

- لو حصل ورجع الفريق - وهو اللي يبي يصير بكرا - ياصل الساعه 3 بتوقيت برشلونة وهالشي يسبب بتأخير التدريب ولا يخلي اللاعبين يجتمعون وقت الغداء لأن التدريب بيكون بعده ، ناهيك عن الارهاق اللي يحصل بهالحالة ! والفريق مجبر على الرجوع بعد المباراة لأن وراه مباراة يوم السبت خارج أرضه بالرياثور !


الطامة الكبرى لو عرفنا أننا بنلعب ضد الديبور بنفس هالتوقيت الخايس وش يحسبه الاتحاد الاسباني وهو يحط هالجدولة ؟!


**


بالنسبة لمباراة بكرا .. أهم شي التركيز ولا ندخل المباراة بتهاون ولو أن هالجانب مطمئن بوجود بيب .. ماأعتقد وأتمنى ماتكون مباراة صعبة وأهم شي الله يفكنا من الاصابات !

أتوقع يدخل بيب بهالتشكيل :
فالدز - أبيدال - تشايغي - رافا - داني - توريه - تشافي - انييستا - ميسي - هنري - بيدريتو !


بالتوفيق للفريق وحدسي يقول ( 3 - 0 ) ميسي 2 هنري 1 !



**

بيب الا توريه !