اشوف اغلب الشباب يسبون في بوضاري قبل ما يعلنون التشكيله الرسمي حتى !!

اصلا متى الماكا ولا الأس توقعو تشكيله بوضاري .. دايما ما يعكس توقعاتهم
ونستنى المباره و نشوف .. خلوها تنتهي بوضاري تراهـ خبره في الليقا
وضد البرسا خصوصا .. دائما يتفوق عليهم حتى الموسم الماضي !!

فاز على البرسا في الكامبا نو !! 3-1 و سواها الموسم اللي قبله ذهاب و أياب
اللي ودي اقوله لكم .. صحيح مو عندنا كابلو .. بس لازم شويه ثقه
بوضاري تغير كثير .. ولا تحكمون عليه قبل ما تبدا المباره !! وعلى اخبار الاس و الماركا

.. من ناحيه رونالدو .. انا اشوف اذا كان جاهز 100% اكيد بيكون اساسي
وخصوصا ان البرسا يعتمد على انه ينهي المباره من الشوط الأول ويدخل الشوط الثاني مرتاح !!
ويلعب على نفسيه الفريق الخصم و الضغط اللي عليه !!

يعني من ناحيتي اول ربع ساعه اهم شي ما يدخل علينا هدف !!
لأن البرسا يتوهقون كل ما مشاا الوقت اكثر ولا سجلو

واكبر دليل الكلاسيكو الـ 2-0 الموسم الماضي !!
شفنا كيف كانو يبون يسجلون هدف وبس !! بـ أي طريقه لـ درجه انهم فتحو
ملعبهم اكثر من مره لكن درنتي ما قصر ههههه

يعني ما كان في عناصر قويه عندنا في الهجوم
اهم شغلتين تكون في راس بوضاري من وجهه نظري اليوم
ما يخليهم يمسكون كوره كثير .. ويحاول يقطع الكوره من نص الملعب مو في نص ملعبنا !!

الأعتماد على سرعه كريس و بنزيما وكاكا .. وعلى دقه تمريرات الونسوا
وخصوصا ان ملعب البرسا كبير .. اكبر بكثير عن الملاعب الأسبانيه

وهذا اكثر شي يعطي زافي البرسا راحه في التمريرات الطويله
لأن ملعبهم كبير .. مره

بـ التوفيق لـ الملكي اليوم .. وياليت ما يتردد بوضاري ابدا اليوم
يسوي اللي في راسه ولا يتردد ابدا

بأذن الله 3-1 لنا .. رونالدو هدفين و راؤول كـ العاده هدف