نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ][ لاليغا 12 ][ .. برشلونة جنان .. يخلّص الكلاسيكو بهدف إبرا الفنان .. ][ تقديم

هلالي الكتلان · #176 29/11/2009, 04:41 AM

.

الكلاسيكو أو الديربيات - بشكل عام - مستحيل تخضع لأي مقاييس أو معطيات لأنها مباراة خاصة جداً ، لاتعرف بمسيرة الفريقين قبلها أو الاصابات أو غيره ، وكلنا مدركين هالشي

!

نفسيا ً أشوف الفريقين بنفس المستوى ، ولو أني أرجح كفة برشلونة شوي بهالجانب لأن المباراة بالكامب نو قدام 100 ألف من أنصاره

!

لو تكلمنا بالمنطق - ومن وجهة نظري الخاصة - برشلونة يتفوق فرديا وجماعيا ً وكـ منظومة لعب وتنظيم فوق المعشب

وهالكلام مو معناته أنه أقرب للفوز لا ! لأني أشوف المتش 50% - 50% مع بعض الأفظلية لبرشلونة

!

تشكيلة الفريق فيها ضبابية كثير لأن ابرا وميسي ماتحدد للآن 100 % أنهم بيلعبون أو لا ! لكني أتوقع أنهم بيبدأون المباراة كأساسيين وتصير التشكيلة بهالشكل :

فالدز - ألفيس - بيكي - بويول - أبيدال - يايا - تشافي - الأندريستو - تيتي - ابرا - ليو ! وأتمناه تكون بالهشكل ! لكن الأهم أنه يكون ابرا وليو جاهزين تماما ً للمباراة ، مع أن الأخبار تقول أن ابرا خلاص تأكدت مشاركته وميسي لحد الآن شكوك

ولو فعلاً ليو ماأمداه على اللعب كأساسي أتمنى ينزل مكانه بيدرو

!

عندي ثقة بالفريق وأشوفه أقرب للفوز ومباراة اليوم فرصة لاستعادة الصدارة ! أكثر شي مخوفن هو الاندفاع الكبير أحياناً من لاعبي الدفاع واللي يخلف خلفه مساحات ممكن - لاسمح الله - يضرب الخط الدفاعي حقنا من انطلاقة سريعه من كريس أو كاكا أو البيبيتا بهالمساحات اللي تاركه الدفاع خلفه !

اللي يخلين أتفاءل أكثر وأكثر أنها بالكامب نو

وماأبي من الجماهير الا أنه تكون بنفس مستوى الحماس بمباراة الاينتييير

وقتها بتشوف روح كتالونية رهيبة بأرض الملعب وخاصة أنه بيكون فيه - على الأقل - 6 لاعبين من أبناء النادي

!

**

لاسانا ديارا ماعندي شك بامكانياته بقطع الكرات واللياقه العالية لكني أشوفه لاعب مايتقارن مع اللي بمركزه لأن دميجته يبيله تظبيط شوي

يعني أحياناً يسوي سبرنتات خيالية لو تسأل نفسك ليش ؟! ماتدري ! ولو تذكرون كيف كان شكله هو وغاغو خاصة أنهم نفس ستايل اللعب بالكلاسيكو الأخير مع استهبال يايا والأندريس وميسي وتشافي بوسط الملعب والتناقل السريع بالكورة ، كان شكلهم مضحك والله بلقطات كثيره

ناهيك أن اللاعب التسليم عنده zero وهالميزة أشوفه أهم ميزة لازم تكون بلاعب المحور عشان مايورط فريقه

!

**

أذكر كلاسيكو العام بالكامب نو لما سجل ايتو وميسي الهدفين وفصخوا فنايلهم تعبيرا ً على الفرح لقينا ردود بالاستديو تقول : وش هالفرحة الجنونية ؟! ماصدقوا خبر يفوزون على الريال انها عظمة الملكي

أتمنى تفكوننا من هالعظمة اللي ملاحقتنا بكل محل

المباراة ماتعتبر نهاية العالم

وفوز أحد الطرفين فيها مايعني شي

! ولو فاز الريال بأجي هنا وأبارك للمدريدين

< وشلوني وأنا مؤدب

!

ماأدري أحسها 3-1

وترا المباراة بتكون على +2

ياليتهم مخلين أبوفيصل

يعلق بكرا ، ماندري نلقاها من أبو سيف ولا من الدرج !!!