تحياتي ...
هلا ياقاهرهم ياسامي ...

خالد فعلا إتخذ القرار الصعب وهو مفاجيء لكل الهلاليين ولكن خالد ادرى بنفسه وهو من يعرف إذا كان سيقدم للهلال شيء يفيده ام لا وأعتقد ان الاصابه اللعينه هي السبب في ان يتخذ هذا القرار الصعب جدا عليه وعلينا ,

& ارثر المتسلل !!
والله مشكله ! عاد يقولون ان الجوازات تؤدي عمل جبار في منع المتسللين من الدخول
لكن مادام انه حلق شنبه فصدقني ماأحد يعرفه , لكن ماتشوف انك فضحته هالحين !!

ترى ربعنا مايصدقون خبر وبكره تلقاهم عند قسم الترحيل يشتكون وبعدها تلقاهم يوقفون اي واحد اجنبي ماله شنب ويقولون له قل بيت شعر وإذا قال قالو انت ارثر وجودوه وبعدين نخسر كل شيء حتى الاجهزه اللي بيستخدمها !!!

& قناة دبي ..
ياليت هالمكالمه هي الاولى او انها الاخيره , إفضحونا الله يفضحهم بتفكيرهم وطريقتهم , تصدق المذيع في قناة دبي كل ماعرف ان المتصل من السعوديه قام يهز راسه ويضحك قبل لايتكلم مع المتصل , شكلهم عارفين وش بيقول !!! شكلهم اخذو فكره ( شينه ) عننا

& عبدالله الشريده ايوالله ياليت الاداره الهلاليه وأعضاء شرف الهلال يقدمون مايمكن تقديمه لهذا النجم فهو ومن عام 1415 بعد مباراة العمر الشهيره وشراء الهلال لعقده يقوم بدور خارق واصبح هو السد المنيع وصخرة دفاع الهلال التي لا تهتز مما حدا بمنافسي الهلال بمحاربته ونعته بما لايليق من الالقاب , لابد ان تتخذ الاداره مايب اتخاذه لمكافئة عبدالله الشريده الملتزم والخلوق والرائع ..

& موقف جماهير الهلال ماهو غريب فهي لاترى إلا بأعينها لايهمها كلام ( نافخي الكير ) !!
جماهير الهلال واعيه وتميز الامور جيدا وهذا مانساه او تناساه من حاول محاربة فهد , نسو ان الجمهور فرح كثيرا بإستلام فهد لإدارة الكره , وبعدها افرحهم فهد بتغيير طريقة اغلب اللاعبين وكان سببا مباشرا في إنجازات الهلال وهذا مايريده الجمهور أما من يحارب فهد فهو يريد شيئا اخر لانعرفه ولانود ان نعرفه ..

& .. التهديد والوعيد !!!

ماأدري وش سالفة الربع الايام هذي تهديد ووعيد!! لانكون في سنة الحرّه اللي الواحد من كثر غيضه يهدد نفسه !!! عموما الله يعينهم على انفسهم !!

تحياتي ...
العوّاااام ...