^ أزبل محلل ممكن تشوفه في أستديو على قد فرحتي بـ جية الشوالي الى ان هـ الخبر بعص ام الفرحة وصارت حزن عميييق جداً .. عاد لكم تتخيلون جايبين باكيـرو وبويو يحللون الكلاسيكو و ابو بيومي كاشخ معهم ببدلته اللماعية في الأستديو وعععععععععع من جد الدنيـا واطية أن شاء الله تطلع كل الأخبار كذبة .. حتى الشوالي لا يجي اذا بيجي معهم خالد بيومي خخخخخخخخ . == بأدخل على النقطة الي ودي اتكلم عنها من زمـآآآآن .. لكن ما جات فرصة طيبة نفتحها معكم .. الحين الجو تقريباً هادي والفريق خلص متش ويستعد لـ الكلاسيكو بعد 4 ايام .. نقول بسم الله الكل يشوفه مكسب لـ الفريق حتى لو ما كان على المدى القصير .. أسباني ولسى شباب وعنده امكانية لـ التطور ويصير واحد من أفضل مدافعين العالم ، عنده اندفاع بدني وبنيته الجسمـانية ممتازة لـ مدافع .. ارتقائته لـ الكرة ممتـازة جداً ويقدر يفيد الفريق فيه من خلال تسجيل اهداف من كرات ثابته .. عنده ميزة يفقدها كثير من المدافعين وهي توصيل الكرة لـ الشق الهجومي بسرعة كبيرة من خلال باص ثرو طويل امـآ على الأرض او بكرة عالية . تقريباً استعرضت كل مميزات اللاعب .. الشي الأكيد ان الولد عنده الكثير .. لكن في نفس الوقت ينقصه الكثير و الكثير عشان يكون لاعب اساسي في ريال مدريد . كثير من المرات لما أجي العب متش كورة .. أول كلمة يقولها لي الحارس ’ لا تخلي المهاجم في ظهرك ‘ !! شي بديهي اي مدافع في العالم لازم ينتبه له .. هـ الشي يلزم تركيز في الملعب بنسبة أعلى من 100% .. وهذا الشي للآسف مفقود في البيول . لاحظتها كثييير .. أكثر نقطة يستغلها الفريق الخصم هي هـ النقطة .. المهاجم دائماً يكون في ظهر المدافعين وللآسف بدون تطبيق خط تسلل على الخصم . حتى لو ما جا منها أهداف على مرمانا لكن تظل مصدر خطورة وأزعـاج لـ أي مشجع يشوف مرماه يتهدد بهـ الصورة .. النقطة هذي شفناها بكثرة في مبارتنا مع ميلن خصوصاً الي في السان سيرو .. كم فرك من وراها انزاغي وبغى يسوي لنا مشاكل احنا في غنى عنها . النقطة الثانية .. الكنترول السيء جداً والي غالباً يكون عند أغلب المدافعين لكنهم يعوضونه بحسن التوقع لـ أي كورة .. شفنا الشيخ البيول في كم كورة ما يقدر يثبتها وكأنه على قولة المصاريه كي جي 1 .. أخبر وحده منهن ضد ميلـن أتوقع .. جا بيثبتها شاتها لولا ان آيكر صاحي ولا تشبك قول سلام سلام ، اذا مثلاً ما تقدر تثبت الكورة بشكل ممتاز شتت ولا تحرج الفريق في منطقة اي هفوة أو محاولة استعراض حرفنة ممكن تلقم فريقك قول . ماتعرفون قد أيش انا فرحان لما سمعت انه مصاب من مبارة أمس ! لالا .. بداية الفرحة أول ما شفته منجدع على الأرض ويتلوى .. قلت الحمد لله يارب انه ما يلعب الكلاسيكو .. مبارة زي الكلاسيكو ما يجي مررة انك تلعب فيهـا بـ آلبيول .. ان كان هو ثغرة الدفاع في فريقك والي تختفي بشكل كبير اذا ما شارك مدري يا ناس بيللغريني عنده عيون مثل العالم ولا لا ؟! في هـ اللحظة دق علي سليم وسوالي انتربشن يالله بحـاول اراجع افكـاري خخخخخ أحب الفدائيـة انا مدافع بطل بطل بطل .. اشوفه أفضل واحد ممكن يلعب مع بيبي في الدفاع .. تقريباً ما اخذ الفرصة الكاملة له مع الفريق حتى الآن .. أكثر من نص المباريات وهـو مدفي الدكة .. أكثر شي اعجبني فيه اندافعه البطل .. وتوقعه الممتـاز وطبعاً أرتقائه المجنون .. لاعب مثل هذا حطه مع ايبـرا يحد من خطورته بنسبة كبيرة لأنه يتفوق عليه في عدد كبير من العوامل اهمها السرعة .. طبعاً المهـارة أكيد بتكون لـ أيبرا وطبيعي ان الأفضلية تكون لـ المهاجم على المدافع .. لكن المدافع الجيد هو الي يحد من خطورة المهاجم بشكل كبير .. بكذا يكون نجح في مهمته الدفاعية اذا كانت رقابية طبعاً . أذكر أول مبارة في الموسم مع الديبور .. لعب البيول و جاراي سوا في السنتر باك وذيك المبارة فضلت كثير البيول وحطيت أكثر اللوم على جاراي .. اتذكر بعد اني دخلت نقاش مع سليم عليهم الأثنين .. هو كان يفضل جاراي لأنه شافه مركز 100% وانا كنت افضل البيول لـ أسباب نسيتها .. الكلام الأكيد ان سليم غلبني في هذي وبالفعل بعد كم مبارة اكتشفت ان البيول دايماً مسٌرح وهذي من أكبر مشكله ممكن يواجهها اي مدافع في العالم .. المركز حساس ويحتاج تركيز عالي وحضور ذهني . اخر الكلام .. انا ودي أفتح نقـاش كامل عن هـ الأثنين .. ومن في نظركم الأفضل أو الأنسب لـ اللعب مع بيبي في خط الدفاع .. طبعاً نبي أسباب وشغل نقاشي على اعلى مستوى هاه لكم المآيك .. الا ابودحه لا يشارك
