| ياخي قسمن انك بطل ياشيخ..
كآن ودي من زمان اني افتح موضوع مثل تسذا ..بس قمطت من الاشراف مثلك..
لكن اشوآآ انك جيت يالذيب..
اما عن المواقف الله يسلمنا واياك..تعرفون يوم كنت بزر يعني صغير ماعلي شرهه قالي ابوي خلك بالصندوق(صندوق الددسن) وانبه للخروف لايهج (يهرب) (ينحاش) .. المهم انا صراحه كنت قامط من الخروف من يوم ونشريه وانا خايف مدري وراه..
المهم يوم تسذا والا ابو الشباب قاعد يناقز ويناقز لين ما انفك الحبل ..بس عاد لاتسئلن وشلون انفكـ .هع والله ماتشوف الا غبار الخروف ويهج وكان بيت جدتي عند طريق خريص وعلطووول ابو الشباب انطلق هناك واقرب (تريله) وتدعسه ويموت.. هع
عاد انا في تلك اللحظات قمطت قمطه مايعلم بها الا الله ويوم جا الوالد قال وين الخروف ..انا وانا قاعد اتمتم قلت له ه..هـ..ـج ..قال وشو؟! انا علطوول اجهشت بالبكاء والصياح ..عاد اشوا الوالد ماقال شي ردا اني قامط من الخروف ..
ايه هذا اللي عندي..
بس ترا يمكن بعد تصير سالفه ثانية يعني ترا عادي هع
يله سلآم | 