البطل لا يفشل !



أولا .. مبروك الفوز

سانيا .. مبروك الصداره

سالسا .. موتشو مهدورو

أمس برشلونه قدم مباراه روعه صراحه، ماترك للفريق الايطالي أي فرصه بأنه يطبق شئ من الا كان محضرنه .. هدف الركنيه كان شئ روعه .. انه الفريق يجيب على الانتر من كره ثابته وبهالطريقه ومن اول المباراه .. شئ مريح جدا

ماراح اتكلم عن باسهاب عن الفريق .. بس مكاسب هالمباراه كثيره .. منها ..

# هدف بيكي كفيل بانه يرجعه لحالته النفسيه الأفضل .. بيكي من صغره يحب يسجل الأهداف .. وهالهدف يعتبر دفعه معنويه كبيره بعد ما دخل على الفريق هدف في مباراة اوساسونا

# ألفيس ! .. أفضل مباراه له هالموسم .. الفيس هالموسم افتقد للنشاط الا كان يتمتع به العام الفارط .. وبالأمس رجع صورته المعتاده .. وتكفي الكوره اللي لحق فيها ايتو مع انه كان متسلل ..

# كثافة خط المنتصف .. وهذا الشي الا كان برشلونه مايقدمه بصوره متكرره ومنتظمه هالموسم .. يقدمه مباراه ويفقده مباراه .. وهالكثافه الا وجدها الفريق امس .. كانت كفيله باعادة الفيس لصورته القديمه .. عمليات تدوير الكره السريعه الا عملها الفريق اعطت المجال لألفيس لأن يعطي الاضافه الهجوميه

# هنري .. قلت قبل المباراه ابغى هنري مدفعجي .. ممكن ماشفنا امس هنري هداف .. بس شفنا هنري قائد .. هنري يراكض ويذابح على الكرات .. هنري امس كان دوره جوهري في المباراه .. من نجوم المباراه الأبرز .. أقلق دفاع الانتر تماما .. وعطل العديد من عمليات بناء الهجمات اللي كان يحاول يقوم بها خط دفاع الانتر ..

# بوسكيتس .. احيانا اتساءل .. لو كان هاللاعب غير برشلوني .. كنا راح نطالب التعاقد معه أو لا ؟ .. لأنه احنا دائما نطالع الغير وننسى نفسنا .. عندنا لاعبين اكفاء وقادرين على رفع راية الفريق لأبعد مدى في أي بطوله .. بس مادري ليه ندور اي شئ ننتقده واي شئ ننتقص منه ساعات .. روعه هذا اللاعب .. مازال شاب وعنده مساحه للتطور .. ويستاهل الوقفه الجريئه الا وقفها معاه بيب غوارديولا

الثقه حلوه يا جماعه ! .. أحيانا أحس انه جماهير برشلونه يكرهو تعثر الفريق بشكل اكبر مو لتعثره .. ولكن علشان لاتصير أي فرصه للجماهير الثانيه بانها تتكلم على الفريق .. ويتناسوا بأن اللاعبين مجرد بشر ويمرو بفترات فوق وتحت ..

عقبال التأهل للدور الثاني من بوابة كييف .. وعقبال ماتنتهي موجة الحظ العاثر الا مرينا فيها الفتره الأخيره

سلام