سلاااااااااااااااااامـــ ...!!


مبروكـ الـ 3 نقااااط يا مانشستراويهـ ...!!

ولانيب مباركـ لكم المركز الثاني ... لأن طموحنا الأول ...!!

أباركـ لكم إذا رقينا فوق تشيلسي ...!!

.
.
.

عموماً ... أنا شفت المباراة كاملهـ ... بلا هلال بلا هم ... المانيو قبل كل شي ...!!

طبعاً هالكلام في عالم المستديرهـ ...!!



هدف فليتشر ... خآآآآآآآآآآآآآآآآلع ... ذكرني بهدف زيدان بالتشامبينز على ليفركوزن ...!!

اللي مضيق صدري ... دفاعنا ...!!

صحيح ما أختبر ... لكن أتضح لي إنه سهل على المهاجم يتخطاهـ ...!!

الكورهـ اللي إنقهرت منها ... يوم ياكوبو يدزها لمدري من من ورا ظهر إيفرا ...!!

طبعاً إنفراديهـ ... بس فان دير سار لبى قليبه بالموعد ... ( الهجمه اللي طاح فيها مصاب ) ...!!

يا آخي لا تعطي المهاجم ظهركـ ... دايماً خلكـ خلف المهاجم .. وإذا صار خلفكـ .. خلنا نعرف إنه متسلل ...!!

غير هذا ... ما نبي ...!!

هذا بالنسبه لإيفرا ... أوووما رافائيل ... شوفتوا يوم يطيروووهـ مدافع إيفرتون المتقدم بالشوط الثاني ...!!

لولا مساندة براون .. كان إنفراديه يحبها قلبكـ ... كتف وااااحد ... طيّر رافائيل ...!!

صرااحه ... هذي نقطة ضعفه ...!!

طبعاً العمق ما أختبر في هالمباراة ...!!

نروح لخط الوسط ... قيقز .. أشوف الناس تمدح فيه هالمباراة ...!!

بالعكس ما قدم شي ...!!

غير الكورهـ اللي سحب في أوووم أوووم إيفيرتون ... ما سوااا شي ...!!

وهالكورهـ هذي ... استعراضيه ... يعنيه ما نحتاجها وقت الزنقه ...!!

سكولز ... أسطورهـ ومن أكبر عشاقكـ ... بس ما عاد فيكـ حيل ... متى تعتزل ...!!؟

روني ... بطل بتحركاته وإصرارهـ ... فيه كم كورهـ سلمها للاعب ... كان من المفترض يسلمها للآخر ...!!

أوين ... هاللاعب صحيح ما يقدم ... لكن من أبسط الهجمات ... يقدر يصنع لكـ إنفرادهـ ...!!

وشفناهـ إنفرد تقريباً 3 أو 4 مرات بالمرمى ... بس تخونه الزاويه ...!!

بس اللي يقهر ... إن أوين وبيرباتوف ... ما فيه أي رابط ...!!

يعني إذا صار بيربا أساسي ... تحتاج خطه ... مغايره عما إذا كان أوين أساسي ...!!

كذا أكيد ... ما راح يخدم الفريق ... خصوصاً في مسمى الإنسجام والتناغم ...!!

ككل .. مستوى حليو ... بس مع فرق غير الـ Big4 ...!!

أنا ما يقهرني إلا إذا سجل مانشستر هدف ...!!

ما أدري ليه تجيه حالة خمول ... ويحاولون يدافعون ويحافظون على مرماهم ...!!

يا آخي حاولوا تعززون ... يعني معقوله كل مباراة تبي تنهيها بفارق هدف واحد ...!!

بصراحهـ ... تقل ضامنين إن الفريق الخصم ما راح يعادل ... أو إن مرماهم بيطلع من المباراة نظيف ...!!

نقول إن شاء الله المستوى يتحسن ... واللي أعجبني بهالجوله ... إن ناني خارج التشكيله ...!!

واضح إن السير يبني مستقبل الفريق على فالنسيا وأوبيرتان ...!!

ناني راح يطلع قريب ... حتى لو إعارهـ ... وهذا اللي أبيهـ ...!!

آآآآخ لو تعدي فترة عقاب فيرغي على خير ...!!

الله يستر من بورتسموث ... وطوطنهام ...!!

تذكرون أيام ما تعاقب فيرغي .. وكان المسؤول وقتها كيروش ...!!

ضيعنا نقااااااااط موب بسيطه ...!!

وضعنا حالياً ما يسمح نضيع نقطه وحدهـ ...!!

الله يستر بس ...!!


.
.
.

عذراً على الإطاله .. وعلى الأسلوب ...

لأني والله كاتب ردي على عجاله .. واللي في بالي على الكيبورد سيداااا ...!!

بدون أي تنسيق ...!!

العذر والسموحهـ ...!!


.
.
.


C U