اللي يشوف هالفرحة ينسى الفوز 
قسم هالفرحة تغبِّن أكثر من انها تفرح
تعب غير طبيعي , صحيح فاز بِـ بطولات هالسنة لكن كلها ATP وكان يفرح بها بِـ فرحة غير متوقعة وكأن فايز بِـ ماسترز , ففرحته أمس تحسه فايز بِـ جراند سلام !
فرحته أمس شيء يقهر , يمشي ويصارخ , منغبن من ان لوحده وينافس اثنين " الجمهور + مونفيس " في نهائي حسّاس , واللي وضحّ لي ان منغبن بجدّ يوم جا يوقع على الكام صرخ وقال " صربيـا " في وقت كان الكل يقول " فرنسـا "
وغير عن الغبنـة الكُبرى والأساسية واللي هي ضياع البطولات اللي كانت بيده بغض الطرف عن الأسباب , يتعب ويتعب ويقدم كل شيء عنده ويطلع وزود على كذا ان خسر تصنيفه لفترة ماكانت بسيطة
يطور من أداءه , حبة حبتين , ودوم آوت 
وعلى كل هالمجهود , بطولة وحدة ماسترز
ماأقول إلا الله يعوضك 
//
خلاص عاد أبي أفرح اشوي على الأقل , نجي للمباراة
روووعة يا جوكو روووعة
مباراة حمـاس لسبب واحد فقط اعتدناه على البطولات الفرنسية , وهو إن كنت ضد خصم فرنسي تذكّر انك تواجه خصمين
الجمهـور الفرنسي خصم عنيييييد وقوي , يرجع الروح والقوة للاعب حتى لو كان لاعب حيا الله من أمثال " جيوز " , فما بالك إن كان لاعب من الأساس حماسي كـ " مونفيس " و " تسونجـا " فـ أكيد ان خسارتك على المحك مع الأسف حتى لو كنت صاحب خبرة ومهارة لا تُضاهى كـ " نالبي "
إلى الآن منيب قادر اصدق ان نول تغلب على الجمهور ! صعبة وربي صعبة وخصوصاً ان من الأساس نول ماعنده ذاك الجمهور , يعني لو قلنا فيدرير كان أوكي مشيناها على الأقل في ناس تحبه وراح تتعاطف مع ولد بلدهم اشوي ومع فيدرير اشوي , لكن ان يكون الجمهور طول الوقت ضدك , هذا الشيء الخيالي 
نول قدم مباراة أقل مايُقال عنها إبداع , وخصوصاً بعد صحوة مونفيس اللي كان مخيٍّش في المجموعة الأولى ,
نول حاول مايعتمد على المخادعة بشكل كبير لأن شاف نفسه ان هالأسلوب في السنتين الأخيرتين صار مايضبط كثير والسبب متباين من مباراة إلى أخرى , فحاول يستغل قوة مونفيس لصالحه بِـ قلب مستوى القوة إما إلى أقوى بكثير أو إلى أضعف بدرجات متفاوتة 
نول بشكل عام من بعد أمريكا بالذات تعدّل وضعه في السلايس , فهالشيء ساعده وخصوصاً ان مونفيس كويس في ردّ السلايس , لكن مع تنوع الضربات في الهجوم والدفاع من نول لخطبت الأمور عند الفرنسي فـ صعّب عليه ردْ عدة تبادلات وبالذات اللي أخطأ فيها أخطاء مباشرة .
وفي شغلة ثانية برضو , اللي هي قوة تركيز الفورهاند والباكهاند عند اللاعبَيَن حرمتهم من إطالة التبادل في عدة مرات , وبالذات لمّا تكون الضربة بِـ إتجاه الجسد اللي معظمها تؤدي إلى الخطأ المباشر .
لكن رغم هالتألق اللي كان عند مونفيس إلا إني أشوف ان نول عطاه وجه زيادة عن اللزوم , ماحاولت أركز على السبب لأن أعصابي كانت دمار وقت المباراة الوكاد أركز على تركيزه عشان أركز على أشيا ثانية
على الرغم من ان المباراة كانت حماس وأعصاب وحلوة مرة وزيادة عليها [COLOR="red"]تألق اللاعبَيَن إلا ان كانت في سلبية واضحة عند الإثنين , واللي هي كثرة الأخطاء المزدوجة , والدليل سماجة الماتش بوينت  < بس وربي ريحت أعصابي يالأسطورة 
أما السلبية الثانية في المباراة واللي كانت من ناحية الخصم الأول الأسطورة مونفيس ,
ثاني أغبى لاعب في الطيحات بعد مواطنه " بينيتو " 
ومامكثر إصاباتهم إلا هالطيحات اللي بإمكانه يتفادها بشكل سهل جداً , لكن شننتظر من الفرنسيين غير الهياط والكدش
لكن كل هالأداء الفني مايهمن كثر مايهمن ان نول تغلب على خصمين 
كيف أصدق ان نول قدر يتغلب على أعصابه رغم ان لاعب يحتاج خبرة أكثر للسيطرة على أعصابه في هالفترات بالذات , ليه ماقدر يسيطر على أعصابه يوم كانت المباراة في يده أكثر مع رافا , ليه ماقدر يسيطر على أعصابه يوم كانت برضو المباراة في يده مع دافيد !!
ماقدر يسيطر على أعصابه أمام الجمهور الإسباني اللي يعتبر أسهل بكثير من الجمهور الفرنسي
وأظن السبب ان نول صار تركيزه عـالي ويدقق على كل صغيرة وكبيرة في أداء خصمه وصار يعرف الثغرات اللي ممكن يستغلها لصالحه , وبشكل عام نول نضج أكثر رغم المباريات اللي خسرها ماخذت موسم من خسارتها , لكن باختصـار نول " ذكـي "
عموماً , مبروك لِـ نول البطولة المستحقة , والجايات أحلى إن شاء الله
//
يزيد 
سيِّر علينا دوم , سررت صراحة بنقاشك
//
عشقهـا
يعني انتي موجودة على طول بس متعيجزة تردين على الأقل
المهم ماعلينا , ولكم باك
اي لا أنسى أبصحح لك شغلة , الخصم 1300 وليس 1200
ولو أجلوا الخصم إلى ماقبل بطولة لندن بِـ كم يوم , كان تقريباً نول المصنف الثاني وعلى بعد 5 نقاط فقط عن رافا , بما ان فاز بهالبطولة لكنهم مايبونه يصدق نفسه ويفكر بالصدارة  < منيب متأكد 
//
مهند
عـوافي , ماتقصر في الحدث دايم
//
سامي
اي مدحه وقول ان " اسطورة " اي بعد مابقى أحد ماصار اسطورة حتى " تروييسكي " اسطورة
بعد قول انك تبي تشجعه
محنا ناقصين عاد يجي لنا أحد يشجع فرنسيين
المهم تبي الصدز , مونفيس عليه شطحات تستاهل المدح ماشاء الله عليه وبالذات من ناحية الحماس , لكن تذبذب مستواه كان سبب رئيسي في عدم بروزه
لكن تأهله للنهائي في هالبطولة ميب شطحة لأني لا زلت أشوف ان بالحظ
ونتمنى نشوف منه حمـاس ومستوى أكبر على الأقل قريب من " تسونجّـا "
//
فيصـل
شكلك تبي تتحسف انك انتظرت ردي , تحمل هذرتي
وربي كل مرة أقول أبي أكتب رد قصير , وأشوف نفسي أهذر وأهذر ومايبقى شيء في الذاكرة إلا وجا في بالي , ومابقى شطحات ولا إنبراشات إلا وأحطها , وفي الأخير أشوف هالهذرة 
تحمل انت اللي انتظرت
اي صح , مبروك البطولة
//
قفلـه /
طرب طرب إذا صرخ الشطي وقال " الجوكو "
لكن لمّا تسمع الأخبار تشك في اسم الصربي صراحة من النطق , وخاصة لمّا يكون على لسان جهاد - تقرير الجزيرة - وهو يقلب الكاف إلى جيم بكل حمـاس " جوجوفيتش " < [/COLOR] |
