الموضوع:
][ رآبطة عشآق آرسنآل ][ 2010-2009 ][ Pride Of London ][
مشاهدة مشاركة بصفحة مستقلة
#
4002
16/11/2009, 04:05 PM
المعاتب
أرسنالي مميز
أفضل كاتب بقسم الرياضة العالمية لشهر فبراير
تاريخ التسجيل: 08/04/2007
المكان: َّ فَي المُلحق ~
مشاركات: 8,872
آجـآبآت مصعب ( سمو الآرسنآل ) نآئب الريس ../ في فقرة آلآنترفيو !
ثم
ثم
.../
سسلام عليكم ../
هذي آجآبآت الشيخ ونآئب رئيس الرآبطة
مصعب
../
سمو آلآرسنآل
عـآد تصدقون مسكين ! صلختوه بـ آلآسئلة ../
تقريبآ
54 سؤآل
>
قسم آنكم كويسين
ننتقل إلى آلآجـآبـآات ../
1 / آسمك وآسم آبوك وجدك العآئلة مآنبي ؟
ناوي تناسبني انت
<< هد اللعب هذا أول سؤال
اسمي مصعب العبدالكريم
2 / مستواك التعليمي ؟
طالب بكالوريوس , كلية اللغات والترجمة / لغه إنجليزيه
3 / متى وكيف ولماذا شجعت الآرسنال ؟
أنا أحد ضحايا هنري , وبداية تشجيعي كانت في السنه اللي طلعنا
منها في الأبطال قدام البرشا 2005 وقبل كذا كنت أحب أسمع
أخبارهم والعب بهم في البلاي ستيشن
4 / من الأسطورة الأرسنالية اللي تقدره بقوة ؟!
هنري
5 / لاعبين تبيهم يجون في الإنتقالات الشتوية ؟
سؤال بايخ
يقولك ومانيل المطالب بالتمني ولكن
تؤخذ الدنيا غلاباء << بيتك يبو
من جد هالسؤال ماينفع لنا أبد
ممكن تسأل انتراوي مدريدي أي مشجع غير آرسنالي
6 / مطعمك المفضل ؟
777
7 / قد شفت أنهم يلقبونك بالحكم الخامس وش السبب ؟!
هههههههههههه حلوه قد شفت
هذا الله يصلحك اسمي منول
( مبطي )
8 / وش معنى "سمو الأرسنال" ؟
ما أدري
بس سمو من الرفعه
وسما الشيء أي ارتفع << قلبناها نحو
9 / أماكن تحب تروح لها ؟
مدينة الخبر وديرتي
بالإضافه لطلعات البر في أوقات الشتاء
10/ بصرآحه تحب آبرآهيم ( تومي آدآمز ) ولا تحب الدرآهم !؟
لو حصل كل الأثنين كويس
11/ كيف شفت مبآرآة مصر والجزآئر ؟ ومن كآن ودك يتأهل ؟
والله مباراة حريقه خصوصاً لا كان الوالد جالس جنبك
ويلعن على ذا المصريين
ومن ناحية التأهل مافرقت معي
12 / تعبي 95 ولا 91 ؟!
91 ويخب
13 / متى آخر مرة بكيت فيها و لـيـه ؟
ايييييييييه قلبت المواجع
كانت في العطله بعد ماسافر أعز القريبين لي للدراسه في ايرلندا
14 / دوله زرتها وأعجبت بها ؟
كـنـدآ
15 / مطعمك المفضل ؟
جاوبت فوق ولا ...؟
16 / آمآكن دآيم تروح لهآ وتحبهآ كثير ( آمآكن مو ديرة )؟
أممممممم مافيه مكان معين ولو طلعنا مالنا إلا المقاهي والقهاوي
وأنا من النوع الي يحب يجلس في البيت وخصوصاً أوقات
المباريات عشان آخذ راحتي
17 / في أي مستشفى أنولدت ؟
مدري لحظه بسأل أمي
أيه تقول سلمان
<< تمون ( أمي )
18 / مصعب من الناس اللي جرب الغربة ..
كيف كنت تقضي وقتك هناك , وهل كانت متابعتك للزعيم سهلة ؟
ااااااااااااهـ يالغربه
, والله وقتي في ايام الدراسه كان أغلبه دراسه
ومراجعه وفيه كم ساعه أمشي فيها في الباركينج << طلعت اللغه
وكم ساعه ع التي في
ومن ناحية الزعيم كنت متابع
للرابطه أول بأول لكن وقتها ماكنت أقدر أشارك
19 / ما هي حكمتك في الحياة ؟
مافهمت ؟
يعني تبيني أعطيك حكمه أنا استخدمها في حياتي كثير
اها هذي ماعندي
20 / هل انت صريح بطبعك أم تميل للمجاملة ؟
صريح
21 / ماسر العلاقة بين مصعب .. والعضو ممدوح العمار (Mu7) ؟
يالله ممدوح
هذا تعرفت عليه في منتدى الإتصالات
وبعدها أخذ ايميلي
وبعدها رقمي
وبعدها صار
الي صار
<< أقصد تلاقينا كم مره في الرياض
من ضمنها إجتماعات شباب العالمية
22 / سبق وحضرت كذا اجتماع لاعضاء منتدى العالمية بالزعيم ..
هل تشوف انها مفيدة ومثمرة أو ان سلبياتها اكثر من ايجابياتها ؟؟
أكيد مافيه شك بس الي يحز في خاطري ان مره
وحده جاء واحد ارسنالي ساعه وراح
<< مايقصد الريس
23 / ميولك في الدوري :
آلآيطآلي
:
امممممم بصراحه هي ماهي ميول تقدر تقول حب اطلاع << برى
لاجد أحب أشوف ميلان بالمقام الأول بعده اليوفي والأنتر وروما , وأقدر مباريات
الأنتر إذا كان المعلق حفيظ در
اجي
آلآسبآني
:
اميل للريال نوعاً ما وأحب أشوف البرشا
آلآلمآني
:
بايرن بالأسم فقط
الهولندي
:
خلاص مافيه وقت
24 / هل تعتقد رحيل نآيف الرئيس السآبق سيؤثر على الرآبطة ؟
بكل تأكيد لا
مو نقص فيه
لا والله لكن الرابطه ماتتوقف على واحد ولا اثنين
25 / آذكر لنآ موقف طريف حصل لك ؟
والله مايذكرني شي حالياً
26 / من فنانك المفضل ..؟
أبو ساره
27 / آقوى بيت شعر مر عليك ( سمعته - قريته - شفته <
؟
أرجوك لاتنسى مع الوقت ماضيك ... تذكار حبك احفظه ياحياتي
28 / آنت تلعب ترآفيآن ولا بليآردو ؟
ترافيان كان لي عضويه في سيرفر 3 على عزها وقضيت
على كل القرى وطلعت بعدها
البلياردو لا
فيه لعبه طايح فيها هاليومين لكن ماحصلت
أحد يقابلني فيها
فيس يطالع ثيو
29 / وش كان شعورك وانت تشوف نفسك نائب الرابطه
؟
يعني تبيني أقول لك كنت منصدم وكذا
وبصراحه هي تكليف وليست تشريف
30 / رآئيك بمآ يحصل في حدود المملكة بين السعودية والحوثيين ؟
في حدود المملكه بين السعوديه واليمن
قل في الحدود بيننا وبين اليمنيين
بصراحه كلنا ضد هالشي وكلنا عارفين ان الحوثيين تدعمهم ايران الله ياخذها
وياخذهم
<< ماتحس انك طبيت في السياسه
31 / آرون رآمزي ( تعتقد آنه لاعب له مستقبل آمآ ...... ؟
اما ايه
مدام فينجر هو الي جايبه وهو شارينا
فأبشر بعزك
32 / وش سآلفة آبوديآبي { يحتفظ بالكرة } كثيير مـآ تلاحظ ؟
حتى الأعمى يلاحظ
تكفون أحد يدق على فينغر ويقوله ترى
ملينا من هالحركات يامردونا الإمارات
33 / من تفضل ان يدرب الارسنال ان خرج فنغر؟
أبد ما أتخيل الآرسنال بدون فينغر
ولافكرت اني اتخيل
<< برى
34 / من تتوقع ان يحقق لقب دوري ابطال اوروبا ؟
الآرسنال أو البرشا وفيه تشيلسي
35
/ رآئيك بكل من :
محمد ( ثيو والكوت ) :
ياحبني له ذا الآدمي
وهو الوحيد الي تشرفت بمقابلته في الرابطه
بس الله يهديه ماقد دق علي أبد
آنطونيو الريآض :
ياحليله هالآدمي
كله أخلاق ووسامه مع أني ماشفته
والناس ظالمته
يقولون أنه داشر
رشـود :
بصراحه من الأعضاء الي سوو شغل في الرابطه
ووجوده له ثقله في الرابطه
نآيف الله يذكره بالخير :
بصراحه نايف كان متواجد معنا من قبل كم سنه
و كان شعله من النشاط
لكن ظروف الدراسه حرمتنا منه
آبرآهيم ( توني آدآمز ) :
أبو الخل
أذكره أول ماسجل وكنت أشوفه يتابع
الرابطه وكان لون اسمه أسود
قبل التفعيل وشاف اسمه
واحد من الأعضاء وطالب بتفعيله
وهذا هو صار محرر
هلالي آرسنلاوي :
من الأعضاء المجتهدين والمتميزين وشهادتي فيه مجروحه
36 / متى تتزوج ؟ ولا آنت معرس ؟
بعد كم سنه اول شي خلنا نخلص الجامعه ونفلها ولاحقين ع العرس
37 / وش ينقص الرآبطة وهل تعتقد آنه نآيمه مثل مآ يقول توني آدآمز ( برآهيم ) ؟
كلامه هذا مرفوض مرفوض مرفوض
38 / قآئمة آلآصدقآء عندك تقريبآ ( 57 ) كلهم تعرفهم ولا كلهم قطة وجه ولا آنت اللي نآشب لهم ؟
لا فيهم من قابلته في اجتماعات الزعيم وفيه منهم أصدقاء و أيضاً أقارب
39 / تقول آنت من آهتمآمآتك أحب ركوب الخيل وجمع الطوابع !
( جد ولآ آستهبآل ) ؟
لا أمزح
ليه هو فيه طوابع للحين
40 / تتوقع فآبري يطلع من آلآرسنآل ؟
ايه
41 / سمعت عبود وش يقول يبي ( جريجر اليوفي بدآل سآنيآ ) هل توآفقه بالرآي ؟
لو سمعه جريجيرا قال تراك تبالغ
فيس يطالع اليوفي وبس وهو يقطع في جريجيرا و مولينارو
42 / رآئيك في لاعب الميلآن بآتو ؟ وهل له مكآن لو فرضنآ آنه بيجي للآرسنال ؟
سؤالك يبو
اكيد له مكان بس ما أدري أحس ان فينقر بيصفطه جناح ايمن ولا ايسر
43 / بالله عطنآ تشكيلة لـ نجوم العآلم كل لاعب ومعه بين قوسين آلآحتيآطي له ؟
بوفون
( كاسياس)
كاشلي
.... تيري ...... نيستا ......مايكون
( كليشي ).......( فيرما )........( لوسيو )......( الفيس )
ديارا ............ الونسو
( لاس) ........ ( ميلو )
تشافي
( فابري )
ريبري ................. رونالدو
( كاكا ) ................. ( ميسي)
ابرا
( توريس )
44 / وش رآئيك بـ آرشـآ من نآحية لعبه - تصآريحه - وسآمته ؟
لعبه سوبر ستار وتصاريحه نار ووسامته دمار
45 / تعرف لاعب بوردو ومنتخب فرنسآ ( جروكوف ) وش رآئيك فيه ؟
قصدك جوركوف
فنان ومدري وش يحسون فيه الميلان يوم يفرطون فيه
ووالله انها تحز في خاطري لاجاء الشوط الثاني
وشفت سيدورف ورونالدينهو يتمشون في الملعب
46- وش رآيك في ثيو والكوت يوم شفتني بالاستراحه اللي ابلشنا العالم به
و هل اليوزر الاول راكب على شكلي
ههههههههههههه
يارجال والله انك ضيقت صدري
الشباب بعد العشاء جلسوا يقطعون في فريقي وانا كلتها لحالي
قسم حقدت عليك وش ذا الجلسه ساعه بس
ومن ناحية يوزك ماكان راكب على شكلك
عشان كذا غيرته لك
47- تشكيلتك المفضله للارسنال و الهلال
المونيا
كليشي ...... فيرما ...... جالاس (دجورو) ...... ساجنا
سونغ .... دينلسون
فابري
أرشا (نصري ) ............ روزي (ثيو)
بيرسي ( ادواردو)
الي بين قوسين مافيه مشكله بالنسبه لي لو لعبوا
يعني أثق فيهم متى ماكانوا جاهزين
..............................
.
الدعيع
الزوري ... المرشدي .... اسامه .... لي بيونج
رادوي
.............الفريدي
نيفيز..........
شلهوب .................... ويلي
ياسر
48- رايك بقضية خالد عزيز
الرجل أخطأ ويستحق العقوبه
وهذي عقلية اللاعب السعودي
قمة الانحراف
49- الرابطه وش ينقصها و وش السبل اللي ممكن تساهم في زيادة التفاعل؟
المشكله في أيام التوقف
تجيب الملل
وهذي لها الف حل مثل المسابقات والمقابلات مثل هذي
وإن شاء الله بيكون فيه انشطه متعدده بس اصبروا علينا
50- اعضاء تحب متابعة ردودهم في الرابطه و العالميه
في الرابطه أهم ردين من وجهة نظري هما رد بدر النهار
وبعده عبدالعزيز ( قنرز)
وبعدهم الريس والبقيه
ولاتهون شطحات المنحرف
اما العالميه
فأهم شخص من وجهة نظري هو اليوفي وبس
وأبو حمد
وأسير
وغيرهم كثير
51 - تتوقع ان سونغ هو الحل للمحور في ارسنال
نصبر عليه ثمن نشوف
52 - من ترشح يكون ثلاثي للهجوم بعد اصابة بيرسي
عندك إدواردو راس الحربه
لكن المشكله في الاجنحه
تلعب نصري ولا ارشا ولا روزي ولا ثيو
53- رايك بـ نيكلاس بندتنر بكل صراحه ؟
أحس ان محمد هو الي سائل هالسؤال
مدامه عند فينجر لاتخاف عليه
54 - رايك بالمحررين واحد واحد
والله كلهم فيهم الخير والبركه ونطلب منهم المزيد
_______
وبث
آنتهينآ
بالله عآد قلوآ كيف الالوآن حقت آلآسئلة
> متعوب عليهآ ترى وتم آختيآرهآ بدقة
_______
ترى مسموح آيضآ تصلخونه بـ آلآسئلة
عآد آذآ بـدى الدوري يوم السبت لا يجي وآحد
وينطل له سؤآل !
رشـود
اخر تعديل كان بواسطة » المعاتب في يوم » 16/11/2009 عند الساعة »
10:25 PM
المعاتب
مشاهدة الملف الشخصي
البحث عن كافة المشاركات التي كتبت بواسطة المعاتب