.
يالله حيهم ،

أول مشاركة بهالاستديو بتكون عبارة عن انبراشة

إقتباس الرسالة الأصلية كتبت بواسطة ابودحه الهلالي كان مصر تبغى تفوز ... تترك عنها المٌجاملات .. أحمد حسن من رأيي كان أسوأ لاعب في مصر .. تمريرات غلط - ما يقطع كورة .. لكنه يلعب عشانه الكابتن .. يذكرني بحسينوووه ..

بالعكس أبودحة ، أشوفه لاعب ينظم لعب كويس ، نظرة للملعب حلوة وشفنا كم كورة طويلة فتح فيها اللعب ، لاعب حماسي من الدرجة الأولى ، وتغطيته لمنطقته لما تكون الهجمة للخصم حلوة !

المهم أنه واحد من اللاعبين اللي أقدرهم ، بعدين خلنا نفرض أنه ماجازلك أنا ماعندي مشكلة أنك تلعب حسني عبدربه ومحمد شوقي بالنص لكن أنك تقولي حمص أساسي وأبو حسن بالدكة معلييييش !


##


أحسن سيناريو ممكن يتخيله أي مشجع مصري حصل ببداية المباراة وهو تسجيل هدف مبكر ومبكر جداً ، بعد الهدف ومع الظغط المصري والارتباك الجزائري قالوا اللي عندي مصر تبي تاكلهم ، لكني كنت حاس أنه لو تعدي هالفترة على خير والجزائر تصحى من صدمة الهدف تبي تجاري مصر هذا ان ماتغلبت عليه ، وهالشي هو اللي حصل وشفنا الجزائر تفوقت بنهاية الشوط الأول وبداية الشوط الثاني ! وآآآخ على فرصة صايفي ماودك الحضري تمسك معه مايجي قول لأنه لاقمط على قدته انس تجيب هدف ! بعدين عليهم توقيت بالهدف الثاني !


سلمولي على حليش !



##


مباراة الاياب كل شي فيها متساوي ، ومافيه أفظلية تعطى لمنتخب على حساب آخر ، ولو أنه من الناحية النفسية المصريين يتفوقون نسبياً !

أسوء مافي المباراة مكان اقامته وأحسن مافيها أنه آخر أيام الاختبارات وبداية الاجازة !



##


قبل لا أمشي ماشفت الهدف الا وقت تسجيله مباشر ولا قريت صفحات الاستديو اللي راحت ، فالسؤال هنا : هدف العمدة تسلل ولا لا ؟
كأني أشوفه متسلل من خلال النقل المباشر لأني ماشفت الهدف بعدين ولاقريت ردود عنه ومتعيجز أرجع ورا !


اجازة مليانة مباريات نارية ، بالتوفيق للفرق اللي أشجعهن !





فيفا الجزائر !