مشاهدة مشاركة بصفحة مستقلة
  #16  
قديم 10/11/2009, 08:37 AM
قرقاص قرقاص غير متواجد حالياً
كاتب مخضرم بالمجلس العام
تاريخ التسجيل: 11/01/2001
المكان: الدائري الشمالي
مشاركات: 5,720
هلا وغلا بالأخ الأكبر ابوطلال

أما عليك موووووضووع ماتدري وين راسه من رجليه

إقتباس
حالي من الحلحله .. لا >> مدري وشي الحلحله

لكن اذا عرف السبب بطل العجب!! وهذي نتيجة اللي يماشي الصخره أكيد وداك لمحل الفول والمعصوب اللي بحلة القصمان وعشاك فول وخلاك تحلي بمعصوب والنتيجة فتاكة موضوع مايندرى وش المغزى منه كله حلحله في حلحله وهذا جزاء اللي يروح الحله


إقتباس
الحوثيين .. ورى تونا ندري إنهم مجرمين ؟؟ ورى ما انكشف المستور إلا بعد مايجينا منهم مصيبه !!

الحوثيين معروفين من زمان بس هذي مشكلة اللي مثبت الريسيفر على قنوات العارتي ويتابع فريق يحلموووون

هالحوثيين شلة زيدية يطامرون زي القرود في جبال اليمن وتحركهم ايران يمين وشمال والسعودية كعادتها دائما بلد مسالم ولاتتدخل في شئون الغير لكن!!! لما هالسمرمد لمسوا شبر من أرض السعودية باصابعهم النتنه يدهم قصوها رجالنا البواسل من حرس الحدود والقوات المسلحة الله ينصرهم اااامييين
وهذي سياسة السعودية من أيام الملك عبدالعزيز ومن جاء من بعده من ابنائه سعود وفيصل وخالد وفهد رحمة الله عليهم ومن جاء بعدهم ابومتعب وسلطان ونايف الله يحفظهم !! سياسة واضحة بلد سلام لكن اللي يعتدي على روحه السلام


إقتباس
ياليت أخوي سليمان .. والأخ قرقاص .. يكلمونا شوي عن تجاربهم عن تلك المرحلة .. مراحل حب قزاز السيارات .. والبياجر .. ودنا نسمع من الجيل القديم

ابوطلال بطل اشاعات اننا شيبان ولاعشانا مسجلين في اول اسبوع من افتتاح الشبكة في 2001 مو ذنبي سابق عصر غيري يلعب بلايستشن وانا على النت


بالنسبة للغزل أنا مامريت بهالشي زي الناس كنت هادي ولاهي في دراستي وماحسيت الا بعد ماتخرجت من الجامعة اني ناسي شي ماسويته في مراهقتي!! وفاتني القطار ماعاد يمدي خلاص لو اسوي اي شي محسوب علي ماراح يقولون مراهق وطايش نعديها له لما تطقست عن الموضوع هل هذا شي طبيعي ولالا افاد علماء النفس ان اللي يكون هادي ومراهقة خفيفه راح يرجع مرة ثانية للمراهقة لكن في سن متأخره في الخمسين غالبا فأنا من الحين قاعد افكر بعد عشرين سنة وش بيصير فيه تقنيات للمراهقين واساليب للغزل والكدش ممكن اسويها وقتها

بعض الشباب اللي اعرفهم ومروا بمرحلة مراهقة شديدة غزل وتظليل وتفحيط ودخان وحاولوا وقتها يخربوني كانوا يقولون اذا جيت تعاكس بالتليفون اتصل على اي رقم واذا ردت وحده قول: اوف واذا قالت نعم قول اووووف ثانية وثالثه ورابعة لين تبدا هي بالشتم والسب بعدها ادخل في الموضوع مباشرة>>> الله من زين الأسلوب
عندي احساس ان فيه كم واحد بهالمنتدى قد سوو هالحركة


إقتباس
وش رايكم بالحرب على الحوثيين .. وإعفاء الصحفية من عقوبة الجلد .. وبيان النصر الجديد

الصحفية روزي ماقصر الصخرة جاب العيد فيها

النصر وماأدراك ما النصر !! فريق مسكيييين وجمهور كلمة تجيبه وحرف واحد يوديه صايرين مثل كورة الطائرة كحيلان يشوتها والدويش يكبسها
جمهور عاطفي جدا يهتمون بالهلال اكثر من فريقهم ولو سألت نصراوي وش احب لك يفوز النصر ولا ينهزم الهلال على طوووول يقول هزيمة الهلال اهم
تصدق ان واحد نصراوي في منتدى الحالمي مسوي موضوع مرررة روعة ومسويه على شكل بحث لو قدمه لجائزة نوبل عطوه اياه !! مسوي بحث بالصور عن الأهلة وأشكال الهلال على مر التاريخ والدول والمذاهب اللي استخدمته كرمز لها !! الخلاصة منها يبي يثبت ان شعار نادي الهلال يشبه شعار الماسونيه الله يعافينا ولايبتلينا
اضافة رد مع اقتباس