إقتباس وطيب ليش المثالية الزايدة هذي ؟؟ لين متى ؟؟ والله تعبنا، ما يكفي اللي جانا ؟؟ إلى متى وحنا على هالحالة .. أذكر قبل مباراة أم طلال بيوم دخلت موقعهم، لقيت نص الأعضاء تشادية وفقراوية، وخذلك أنواع الدجل والخبث. مثلا واحد يقول، يا شباب ركزوا على راس ماجد ورادوي، ترى المباراة اللي راحت انقشت روسهم، ودقوا لهم كم غرزة براسهم، والجرح ما أمداه يبرى، فلازم نـستغل الفرصة ،تقدر تقولي وين الوطنية اللي تتكلم عنها؟ وإلا ثاني يقول ترى بعد سالفة ياسر وهو مو عارف يلعب زين، فركزوا على الأهزوجة .. يا ناس والله لو اللي لاعب في النهائي الشباب أو الاهلي والله ما راح نقصر معهم، لكن سبق وأن قلت، وطنية فيها إتحااد ما نبيها

يا اخي الغالي

هذي مب مثاليه زايده

انا قلت أعاملهم بأخلاقي أنا

طيب اخي الغالي بجيك من جانب ثاني

تذكر لما خذا الهلال لقب نادي القرن << توه قريب

أول من هنأنا باللقب هو رئيس الاتحاد خالد المرزوقي

وما ننسى اللي غلط على ياسر هم جماهير الاتحاد ليس اللاعبين او الاداريين

اخي الغالي

انا قلت لك هذي مشاعري

يعني هذا رايي ومقتنع فيك

وانا كذلك ما اقدر اغير رايك لانك مقتنع فيه

لكن تصدق عجبتني احسن من غيرك من الاعضاء اللي دخل ويسب ويطلع ..

كل الشكر لانك نورت صفحتي والله

وعجبتني والله لانك صريح غير اللي دخل وسب تحسه ما يدري وش السالفه ..

وشكلهم ما قروا ان هذي مشاعري

الف شكر لكل من شرفني هنا <!-- / message --><!-- sig -->