إقتباس الرسالة الأصلية كتبت بواسطة وسن الهلالية سبحان الله هذي القصة قلبت مواجع عندي تدري ان هذي القصة عشتها بكل تفاصيلها انا كنت مصاحبة بنت اكبر مني بكم سنة البنت هذي انسانه متشائمة لدرجة انها تركت الكلية وجلست بالبيت مع اني كنت دائما احاول اقنعها انها تجي معاي للمعهد او تروح تدرس في اي مجال ثاني او تأخذ دورات وكذا لكنها كانت ترفض لاني كنت خايفه انها تطول جلسه في البيت علما معظم البنات إللي درسوا معنا في الثانوية سحبوا عليها وتركوها كلهم بما فيهم بنات الكلية البنت هذي تعرفت عليها ايام الثانوية طبعا استمرت الاتصالات بيننا بعد الثانوية طبعا هي راحت الكلية وانا دخلت المعهد في المعهد تعرفت على بنات كانوا في مثل عمري بنات مستعدين يتقدمون في الحياة بنات طموحات انا في هذي الحالة قارنت بينها وبين البنات في المعهد اكتشفت ان مصلحتي هي اني اتركها وابقى مع البنات في المعهد المهم اتصلت عليها وقلت لها اني ناويه انهي كل شي بيني وبينها مؤقتا إللى ما تتصلح نفسيتها شويه طبعا هي زعلت وتركتني ابغى اعرف انا غلطت ولا معاي حق

حياك الله اختي وسن..

هنا المشكله وهذا اللي نتكلم عنه بالضبط الناس بشكل عام وطببيعة البشر يحبون يمشون مع المتفائل الطموح اللي مخلي همومه واحزانه ورى ظهره لأن كل واحد فيه حقه من الهم والمشاكل وعشان كذا بطريقه او بأخرى تفتر العلاقه بين المتشائمين والمهمومين ويين الاخرين وكل واحد يقول في نفسه انا وش لي بهذا اللي مكتم دايم انا ماني مكلف به او ماني مستعد اتصل عليه واقابله وييمرضني بتكتيمه واحزانه ( حتى لو ان فيه مرض او نفسيه او اي امر قدره الله عليه_وسأكتب في هذ موضوع باذن الله عن اختلاف طبائع الناس والتعامل معهم _) فالناس كما اسلفت يحبون الشخص المقبل على الحياه والمبتسم دائما

واما بالنسبه لطريقة تعاملك مع صاحبتك فتمنيت انك ماتصلتي عليها وما اشعريتها باللي في بالك عشان مشاعرها واللي فيها كافيها , الأفضل انك ماتبتعدي عنها كثير وتخلي علاقتكم على وضعها ماشيه وحاولي انك تطلعيها من تشاؤمها ونفسيتها اللي هي فيهاوتحاولي تصارحيها مباشره او بالتلميح ان الناس بفطرتهم وطبيعتهم لايحبون المتشائم وينفرون منه والمؤمن يجب ان يكون متفائل , اصبري عليها واحتسبي الأجر فيها يمكن البنت تتغير وتكون انطلاقتها في الحياه على يدك لأن الناس بهالوقت يفتقدون للصديق المخلص النصوح اللي يوقف معهم وعشان كذا الكثير يصاب بالأحباط اذا الناس تركوه وماوقفوا معه وتتدمر حالتهم النفسيه للأسوأ وابن ادم ضعيف وعنده مشاعر ومحتاج للكلمه الحلوه اللي ترفع من معنوياته

ورده لكل المخلصين