صراحة نقاش الشباب ممتع وجميل جدا

بغض النظر عن صحة كلام بلاتيني من عدمها بخصوص ديون الانتر

من الطبيعي ان اي موقع رسمي لاي نادي واي مسؤولين نادي بيقولون ماعلينا ديون , والا تبون موقع الانتر الرسمي يطلع بيان ويقول علينا ديون كذا وكذا , والا يطلع ياويلو ياويلو ويقول صحيح (لذلك في هالجزئية انا اصدق اي موقع ثاني ولا اصدق الموقع الرسمي , عكس المعلومات الاخرى) والامر نفسة على اي نادي آخر .

الانتر مثلة مثل بقية الاندية الاخرى عليه ديون بس الفرق هنا ان عنده مالك كاش لو شافها زنقت بيسدد من جيبه , وبلاتيني مثل ماذكروا الشباب يقصد هالنقطة تحديدا انه لو جاء س من الناس بيشتري الانتر ماراح يشتري نادي بالاصل مديون , يعني نادي مداخيلة ماتكفي مصاريفه , وهذا اللي صاير بالانتر والريال ومانشستر وتشلسي وغيرها , ولو ان الريال حالة خاصة مايقارن بالبقية

فتصريح بلاتيني ليس استنقاص من الانتر او غيره من الانديه , هو امر واقع وحقيقي وماهو قضية ان احد يتكلم عنه , وبلاتيني من موقعه وبحكم هدفه وخططه وتوجهاته المستقبلية في تطوير كرة القدم بدول الاتحاد الاوروبي يرى بان سياسة مالك الانتر او مالك تشلسي خطأ , لانه لو موراتي يترك الانتر او الروسي يترك تشلسي بتخسر الرياضه في اوروبا نادي كبير وراح نقول كان في يوم من الايام فيه نادي اسمه كذا وكذا مثله مثل بقية الاندية اللي كانت تعتمد على اشخاص ولما رحلوا هالاشخاص افلست واصبحت في طي النسيان , فالاندية حاليا يجب ان يكون لديها مداخيل تغطي المصاريف , وهذا الاستثمار بعينه , ايضا الوضع الحالي يعطي مالك النادي الحق في التدخل بالتشكيلة والصفقات ووووو وغيرها من الامور الفنية اللي ماتخدم كرة القدم , بينما الوضع عكس لو كان النادي مايعتمد على شخص بعينه , وهذي احد السلبيات في ان النادي يكون مملوك لشخص هو اللي يصرف عليه والنادي بالاصل مداخيلة لاتغطي مصاريفه .


فمادري ليش تشخصن تصاريح بلاتيني وينظر لها من زاوية انه احد لاعبي يوفنتوس في حقية زمنية لم تشهدوها !!!!

تحياتي وتقديري للجميع