صراحه من زمان ماارد بالقسم ذا اخر مره قبل 9 شهور يمكن

قسم العالميه اخذنا منكم


.
.

يوسف جازع وصالح النعيمه وسامي الجابر ويوسف الثنيان وخالد التيماوي حتى محمد النزهان

جميعهم لعبوا من اجل الهلال وحب كرة القدم الان اكثر الاعبين يبحثون عن المال والشهرهـ على حساب سمعة النادي

اخر بطوله اسيويه اخذناها كانت قبل حظور الملايين والمبالغ المخيفه وكان الجميع يلعب بروح الهلال وروح الفريق الواحد

والله لو نلعب بـ روح الهلال وننسى شي اسمه صحافه واعلام ومال اقسم لكم اننا سوف نحصل على اللقب الاسيوي المنتظر


شلهوب كان يريد شخص يدعمه مثل مافعل مدربنا

كوزمين كان محطم الشلهوب نفسيا ولايعيرهـ اي اهتمام

..........................


الاتفاق له كم مباراهـ وهو ينهزم بالخمسه والاربعه وماقفل ولا فش غله

بس الفرق كلها قدام الهلال تكون شكل ثاني ياخي بعض الاحيان احس ان الهلال برازيل

القادسيه يوم لعب قدامنا فزنا عليهم بالقوهـ وكانو يلعبون المباراه بشكل قوي حتى بعد الهزيمه رئيسهم قام يتفلسف

وبعدها لعب مع الاتحاد وانصك 7 ومع الفتح 5 ولا فتح فمه بـ شي

الهلال غير


نفس الشي نجران وكل الفرق قدام الهلال


.........................

المهاجم الاجنبي

اخر مهاجم اجنبي برز مع الهلال كان سيرجيو ومن بعدها فشلنا بـ جلب اي مهاجم اجنبي

انا اقولها من الحين لو نبي مهاجم اجنبي انصح الفريق بـ مهاجم عربي او اوروبي

افريقي برازيلي مانبي


بس والله حنا عندنا مهاجمين على اعلى طراز بس مشكلتهم مستوياتهم متذبذبه والصويلح مقدر اعتمد عليه بـ مباراة كامله

إقتباس 1-إذا كان النقد الجارح و الخارج عن النقد الأدبي المطلوب يؤثر سلباً على مستوى اللاعب فالتطبيل و المدح {اللي مهو يم جاده} له نفس الأثر و المفعول !!!

صراحه انا اشوف النقد الجارح افضل من اني اطبل للاعب بس انا لست من النوع اللي انتقد احد بـ نقد جارح

يمكن الفترهـ اللي راحت تكلمت على ياسر كثير بيني وبين نفسي انا اكره المهاجم اللي يتفلسف كثير قدام المرمى والاهداف العالميه مااحبها والفلسفه الزايدهـ بعد

ياسر اترك عنك الفلسفه وسجل اهداف عاديه بس اترك التسحيب

إقتباس 2-المواضيع التي تفتح لتنتقد الشلهوب في المواسم السابقة و تطالب بتنسيقه تارة و إعارته تارة أخرى لا تساوي في عددها بتاتاً المواضيع التي فُتحت لتمتدح مستواه بل أنها لا تصل إلى ما يساوي 10% من تلك الناقده و الحاقده و المؤسف أن هناك من لا يرى محمد بل يجيّر المدح لغيره؟!!

الشلهوب لو يقدم اسوأ مستوياته ابضل احبه ومستحيل انتقدهـ يكفي ظروفه اللي مر فيها

قسم بالله لو اي لاعب مر بظروف اللي مر فيها الشلهوب كان اعتزل من زماان

صراحه انا من هنا أطالب انو كلنا كـ جمهور هلالي نقدم هديه للشلهوب يقدمها احد مشرفين المنتدى

إقتباس 4-سؤال يطرح نفسه لو ذهب الأتي لبطولة أندية العالم متى سيلعب بقية مبارياته في الدوري ؟!!!!

الاتحاد دلعووهـ كثير اتوقع لو تأهل لـ كأس العالم راح يسووله معسكر خارجي

واذا انتهى راح يخلونه يلعب كل شهر مباراة مؤجله

ياناس الهلال قبل فترهـ كان عندهـ مباراه مصيريه مع نادي العين والمنتخب اخذ لاعبينا عشان معسكر ماله داعي

وطلعوا الهلال وتكلمو وقالو ان المنتخب اهم من الهلال

والاتحاد سووله استثناء خاص وين اللي يقول الهلال نادي الدلال

إقتباس 5-أجب على السؤال إن كنت ذكي : ما هو أقرب أستحقاق رسمي للمنتخب السعودي ؟ و متى هذا الأستحقاق ؟ و الله يلحقنا خير !!!

تصدقين مع هالمعسكرات قلت يمكن منتخبنا تأهل لـ كأس العالم ويبون يسوون لنا مفاجئه

اقرب استحقاق كأس الخليج باليمن بعد سنه وشكلهم كل شهر يبي يتأجل الدوري نجهز للبطوله ذي

عاد ذي البطوله مابقى غير اليمن يمسخرنا


يعطيك العافيه الوفا دينـ