انا عشت طفولتي في وسط اتفاقي .. بحكم ان الوالد اتفاقي بحت واخوي الكبير طبعاً
وكان اذا فاز الاتفاق ببطوله ( طبعاً على ايام عزه ) يسوي الوالد حفله فيها كيك وبيبسي وحلويات
وحاجات كثيره ... ورغم اني ماكنت اميل لهذا النادي ( طبعاً صغير ماعرف شي ان فرحوا فرحت وياهم وان زعلوا زعلت وياهم رغم اني اجهل السبب ) ... بس مو معقوله اشوف حفله واقعد اطالع
فيهم .. ياشيخ انا اولهم
بس سبب عدم ميولي لتشجيع الاتفاق رغم انه كان نادي بطولات في تلك الايام ... هو الفريق الازرق ....
كنت ماعرف اسمه ... بس من يوم حضرت له مباراه ( على TV ) مع الاتفاق ... ورغم انه كان مهزوم في المباراه 1 - 0 ... الا انه شدني له وانتابني شعور غريب مايوصف
ومن بعدها وانا ماسال الا على الفريق الازرق ... متى يلعب ... فاز ولا لا

وفي مره من الايام زارنا خالي ... وكان نصراوي ... وبحكم اني كنت اصغر واحد في البيت ... كان يبيني اصير نصراوي زيه ( يبقى ياخذ بعقلي حلاوه )
وكان يقول كلام في النصر ويمدح فيه ماخله شي ما قاله ... لا وكان يحش في الاتفاق ( يقول لي هذا فريق تشجعه .. فريق ضعيف .. ولا لونه اخضر واحمر هذا لون ) ومايدري اني انا ماشجعه ...
وكان يرويني صور النصر طبعاً على ايام ماجد ومحيسن ... يقولي شوف هذا لون اصفر وازرق احلى ...
ومع هذا ماقدر علي ... لان الفريق الازرق ماخذ كل تفكيري

عاد انا جاوبت خالي بكل برائه ... انا ماحب الاتفاق
فرح :p ... ( يحسبني بديت اشجع النصر ) .. عاد انا ماعطيته فرصه يفرح واجد
وقلت له : وحتى النصر ما احبه
قال لي : ليه
قلت له : لانهم سود ( طبعاً النصر في تلك الايام كان اغلب لاعبينه من اصحاب البشرة السمراء .. ماعدا واحد وهو الهريفي )
ضحك وقال لي : بس عشان كذا
قلت له : لا .. انا احب فريق لونه ازرق
وفجأة انقلب حاله وناظرني بعين وقال لي : تحب الهلال
طبعاً انا ماكنت اعرف اسمه في تلك الايام
قلت له : الهلال لونه ازرق
قال لي : ايه
قلت له : ايه انا احب الهلال

والى يومكم وانا هلالي

الحمدالله ان انعم علي هذي النعمه ...

لا وبقول لكم سالفه بعد ماراح تصدقون ... انا كنت اشبه بفيروس هلالي اصاب العايله الكريمة
لدرجة بعد ماكنت انا الوحيد هلالي ...

صاروا اغلب العايله هلاليه ... الا اكثرهم هلاليين
حتى خالي النصراوي .. صار يميل نوعاً ما للهلال ( لدرجة انه يشجع الهلال في المشاركات الخارجية ... وهذي الصفة غير موجودة في معشر النصراويين )

وهذي قصتي وانشاءالله تعجبكم ...

تقبلوا تحياتي I'm BoW WoW ...