ذكرتوني باخوي الصغير يوم كان في سادس ابتدائي..

السالفة باختصار ان الوالدة (الله يطول في عمرها) سوت له فطور ويم افطر قالت يالله راح اختبر..

طبعاً المدرسة تبعد 100 متر عن البيت.. يعني بالعربي الولد يوح كعابي..

المهم ان ابو الشباب قال باطلع فوق اجيب الكتاب وبعدها بمشي,, عاد اخونا في الله يوم شاف السرير ماقاوم وصك ام النومة وسحب على الاختبار والوالدة طبعا مادرت,,

بعد مرور ساعة الا والجرس يدق وترد الوالدة: نعم!! طلع واحد م المدرسي يقول خلوا ولدكم يجي يختبر سلامات وراه ما جاء..

الوالدة انهبلت وقالت انا متأكده انه طلع من البيت الله يستر عسى مافيه شي (وتخبرون الحريم عاد)

المدرس طلع شقردي.. وقال تعوذي من ابليس ودوريه بالبيت يمكنه نايم هنا ولا هنا..

يوم راحت لغرفته واثر ابو الشباب يشخر.. وهي الي (تتعامل معه بعنف)..

عاد المسيكين توحش وجته عقده من النوم قبل الاختبار الى وقتنا الحالي..