| شوف حبيب قلبي
>>خش عرض بس ترى من جد احبك ياخي عشرة اكثر منن ثلاث سنين وانا اقرالك وانت مادريت عن هوى داري تكفي تقول احبك عشان يرتاح ضميري ^_^
انا سويت بحث الاسبوع الماضي بهالخصوص وبأذن الله اعطيك النقاط اللي اتذكرها منه
بس الحين البطن فاضي متى ماعبيته وروقت بتلاقي تعديلي
بآك
شوف حبيب قلبي راح ارد على بعض النقاط اللي ذكرتها
اولا: مسألة اقرار الرسول عليه صلى الله عليه وسلم ياليت نتذكر الحديث كامل ففي الحديث اتى الامر بالصلاة وعمر الطفل سبع سنوات والضرب عند سن العاشرة اي بعد ثلاث سنوات اي بعد 5400 موعد صلاة لم يصلي فيها بعدها يضرب
ثانيا: يمكن الكثير يوافق على الضرب ولكن الاغلب مايوافق على الضرب في المراحل المبكرة وخصوصا اول ثلاث سنوات لانه من المهم ترغيب الطالب بالدراسة ومايكره المدرسة بسبب الضرب
ثالثا: ان الشخص اذا اتخذ سياسة الضرب وان الضرب راح يكون بحدود ممكن بشكل كبير يعصب ويضرب الطالب ويسبب له مشاكل ويسبب لنفسه مشاكل هو في غنى عنها
رابعا: انت وانا انضربنا لكن من اللي احترمته من المدرسين هل اللي ضربك ولا اللي احترمك؟
من اللي استفدت منه هل اللي ضربك ولا اللي فهمك بالهداوة والطيبة ؟
من اللي حبيت مادة بسببة هل اللي ضربك ولا اللي احترمك؟
من المدرس اللي ترجع بذاكرتك وتقول والله فعلا كان معلم بمعنى الكلمة .........؟
خامسا: لو تحسب ببساطة فوائد الضرب ومضارة راح تلاقي مضارة اكثر بكثير لذا اخليك مع الاية الكريمة
(يَسْأَلُونَكَ عَنِ الْخَمْرِ وَالْمَيْسِرِ قُلْ فِيهِمَا إِثْمٌ كَبِيرٌ وَمَنَافِعُ لِلنَّاسِ وَإِثْمُهُمَا أَكْبَرُ مِنْ نَفْعِهِمَا)
ونشوف القاعدة الشرعية اللي طبقت ليه مانطبقها على الضرب ؟
اتمنى اكون افدتك ولو بالقليل واذا تذكرت شي ان شاء الله راح ارجع
تحياتي
اخر تعديل كان بواسطة » z3eem ksa في يوم » 01/11/2009 عند الساعة » 09:15 PM | 