الدعيع شايل الفريق هالموسم وجاي تقول انه عديم الفائدة
يا اخي الرجال راجع من اصابة وامه في المستشفى وش تترجى منه

ثانيا الاهداف الي دخلت فيه ممكن تدخل في اي حارس مرمى

اجل لو اخطأ مثل اوليفر كان في هدف الريال هالموسم وش سويتوا فيه

سامي ابتعد عن مباراة اليوم وطحتوا فيه حددوا ياجماعة وش تبون يبتعد ولا يجلس
ثانيا سامي المدرب هو الي يلعبه مو هو يجي ويقول بلعب مكان الصويلح
صحيح سامي انخفض مستواه في اخر موسمين لكن معذور سامي الظروف الي صادته ممكن تهد حيل اي لاعب كفاية الاستقصاد العجيب لسامي من بين الجميع ما كانه رمز هلالي حاله حال الثنيان والنعيمة بل يتفوق عليهم في جلب الالقاب للهلال اقولها وانا من مشجعي ابو يعقوب

اما تاريخ سامي فهو يشهد له ولا سبيل للمقارنة بينه وبين اي لاعب في الهلال
وعشقنا لسامي كاحد نجوم الفريق كما نعشق الدعيع والدوخي وكذلك تراوري احد نجوم الفريق متى ابدع مدحناه ومتى اخفق انتقدناه

خذ مثال مباراة اليوم وش سوى؟؟؟؟؟؟
تقول ما فيه صانع العاب

اقول لك الصويلح الشاب لاعب احسن منه

يعني ما فيه حجة

تراوري لاعب ممتاز

لكن مشكلته انه مستواه متذبذب بشدة مرة فووووق ومرة تحت مرة مبدع ومرة تقول هذا وشلون لعب كورة

نفس الشي سيسيه من بعد رحيل اديموس وهو في تراجع مخيف وها نحن ننتقده

لا يوجد في الهلال من يشجعه لانه يشجع سامي

بل مشجعي سامي ما شجعوه الا لانه في الهلال

هذا لا يعني ان يحبون سامي اكثر من الفريق

لكن سامي رمز من رموز الهلال ويجب ان يدافعون عنه