السلام عليكم جميعا
كلن شارك في هذا الموضوع صعبه اني ما اشارك
بس مالها داعي تطلع الفضايح بس يالله كله لعيونك يا سليمان
1- بعد انتهاء مباراتنا مع الريال 6-2 ..
هذي ياطويل العمر سالفتها سالفه ... كنت مواعد زملائي في الدوام والا يتصل واحد من عيال عمي قال ضروري تجي عندنا قلت مواعد قال اقولك عندنا ضيف اعتذرت من الجماعه ورحت عندهم .. والا صار مقلب طبعا عيال عمي كلهم مدريديه ... وجالسين في مجلسه الخاص هم 16 شخص تصوروا ... هم عارفيني اني متعصب مره برشلوني يدرون اني اترك مباراة الهلال عشانها
وتعرفون قبل بداية المباراة واثناء المباراة ثنائي على فريقي واسكتهم اننا احسن فريق هوب يجي هدف هقوين قسم بالله كلهم صرخوا علي بصوت واحد قسم بالله طلع وجهي مثل البريق الصياح احمر ماقدر اقول شي ... اما يوم جاء التعادل اطمر على هذاك الدب الي صوته عالي الي قاهرني واصارخ في وجه واقوله ولسى هههههه ... المهم افرح بكل الاهداف عليهم الى طلعوا كلهم مابقى الا صاحب البيت .
2- بعد انتهاء مباراتنا مع البلوز 1-1 ..
نفس المنوال كانت فيه عزيمة عند نفس الرجال قال لا تروح ناظرها عندنا ... وجاء الهدف حق اسيان وكلهم مدريدية الا واحد معي برشلوني قاموا يصرخون علي ويسون حركات استفزاز صراحه ماتصدق انك تشوفها على عمرنا ... حتى البرشلوني الي معي نحاش يوم جاء طرد ابيدال وكل الوقت يوقلون سرا ليله ولي يقول طب كملهم الي ناقص ... والا تجي الدقيقة 92 والا يجيك الهدف ياالله واطب على صدري في وسط المجلس واسوي بيديني حركة سنوكا وكلهم سكتوا هدوء عجيب واسمع واحد طلعلي من قوة القهر عيب عليك رجال بعمرك هذا تسوي حركات مراهقين قلت مو انتم تقولون طب معهم ما امدى اطب الا جاب الهدف وطبيت معهم بحكم انسيتا والعيال طب عند الجمهور وكلهم على صدورهم .
3- بعد هدف ميسي الثاني على المان ..
طبعا محد اتصل علي من عيال عمي بس واحد ارسل لي رساله يقول ياويلكم ... وانا واثق من الفوز حتى من وقاحته يوم تسجل هدف ايتو يقول في الرساله ياويلكم من الرعب 80 دقيقة رعب يابرشا هههههه وهدف ميسي مافرحت مره لان الي معي برشلونيين واحد ميلاني يساند البرشه .
4- بعد هدف الحادث بين ميسي وكانافارو ..
كنت في امريكا وجالسين في مطعم على كوفي شوب 60% عرب والباقي امريكان والا يقوم امريكي خبل ويطمرعلى العمود ويقول صدق تعور مسكين كانافاروا هههههههههههههه كلنا متنا ضحك عليه ... بس بعد هذا الهدف حسيت اننا ذلينا مدريد شوي
5- لما تعادل الريال وضمنا اللقب ..
امممم الريال ماتعادل من بعد ماهزمناهم وهو يترقع بالثلاثه الي هي فالنسيا ثم بعدها فياريال ثلاثه ومن عقب فياريال واعلن رسميا قبل مباراتنا مع مايوركا اناا ابطال ... المباراة منتهيه من السته ههههههه
6- لما انهزمنا من الأتلتكو
يالله كانت مباراة قويه ولسى منهزمين من اسبانيول قلت مباراة الريال من بكرا كانت مع اسبانيول قلت اذا ماتعثر الريال راح ندخل في معمعه طويله ... بس ربك ستر والريال مو كفو كان وقتها انواع البلنتيات له وانواع اهداف التسلولات عيني عينك ومع ذلك مانافس
واستروا على ماوجهتوا ههههههههههههههه
