السلآم عليكم ورحمة الله و بركاته ..
صارلي موقف ما راح انساه ما حييت
و التوقيع هو اللي يبي يختصر هـ الكــلآم ,,
تخيلوآ واحد من عشر سنين و هو يلاحق شخص
داخبه و ماتبه ..<< بُهْ
الموهيـم و اجي اخش في بريده <<الولد صار دليله
و اجي اقف عند الاشاره و مسوي خلآلآص بروح للفندق
عشان اشوف هـ الشخص << مهب قايل اسمه عشان تقرون كل الموضوع هع هع
الموهيم و اجي اضيع << امحق دليله
و ياولد وش السوات الا و اشوف واحد مهب هذيك السياره
اللي " خقق "
و اقف و اسأله وين فندق موفنبيك ,,
قال خل وراي و مالك الا اللي يوقف عنده << صرت مهم
و الموهيم و يدز ابو الشباب و انا وسيارتي نتحدى الصعاب
عشان نجيبه و الا سحب علي و ضيعته << لآحوووول رجعنا لسالفة التذآكر
و الموهيم و اجي اشغل القارمن << نصاااب
و ابدأ احوس في بريده و احوس و احوس لين شفت
هـ الفندق عاد سبحان الله طلع لي مكتوب لي
اني احوس عشان اول ما وصلت شفت اللاعبين طالعين
يأخذون لهم لفه << سامعين ان بريده فيها مطر
و اجي اشوف الفندق كله عليه سياج يعني ممنوع الاقتراب << dinger
عاد انا قلت في نفسي يوم وصلت لـ حد هنا بـ غامر << الحب و ما يسوي
و اجي اشوف اللاعبين و لساني يطلع من افمي مثل هذا
ياولد وين خلفهم و ينه و ادوره و مااشوف الا الدعيع و المرشدي و الغامدي
و انا قلت يافرحه ما تمت و اصبر شوي و العالم وراي في الطريق
و الشرطه حاقدين علي لو معهم دبابه كان رحت غلطه
الموهيم و اجيكم و اشوف الدفعه الثانيه اللي جايين من فترة النقاهه
و الا ياولد و اشوف ياسر و رادوي و فيه واحد اشوفه و اقول بـ نفسي
هو و الا مهب هو ياولد صدق هو و الا لا << بعدين
الا و يطلع هووووووووووووووووووووووووو
و اجي و اشد كل الحبال الصوتيه شد مهب صاحي
و اصوووت و اقوووول
( سآآآآآآآآآآآمي ابوووو عبدالله سآآآآآآآآآآآآآآآآآمي ابو عبدالله ))
الا و يناظر و يجي لمي و انا خلآلآلآلآص (( خارج التغطيه مؤقتاً ))
و اجي ارقى فوق السياج و يجي لمي
و قلت له طلبتك يا ابوعابد << مسوي خويي
بـحب راسك تكفى تكفىى << و الله يستاهل ابو عآآبد
و يجي يقول سلم علي سلام عادي اما حبت راس
لا الله يكرمك ,, و أنا خارج التغطيه من اصلي
و يقرب ابو عبدالله يقرب و اجي امسك راسه و احبه
قلت اللي فيها فيها << لاتلوموني لي عشر سنين ارافس عشان اشوفه على الطبيعه ..
و بعدين سلمت عليه و سواليف و ماسكه عاد انا الا اقوله " آبو عآبد " << حسيت انه صديقي من جد
عاد و يجي واحد شرطي مسوي ذيبان يبي يوخرن و يجي ابوعبدالله
يقول وخر عنه << ياولد طلعت لي واسطات مهب سهله اسطوره اسيا
يتوسط لي ما اصدق
عآآآآد آنـا مدري وش صار بعدهآ و الله شعور ما ينوصف ابداً ابداً
بتات البته على قولتهم و قمت اخنبق بـكلمات مدري وشي
بس اتذكر اني قلت له من ثالث ابتدائي و انا احبك ..
آيـه و عاد قالي الله يحفظك و انا مدري وش اقوول
و عاد طلع لي اسلوب و قلت له " مانبي نطول عليك "<< وش عنده
عاد تخبرون ابوعبدالله زوين و انا مادوي اتعبه معي
حنا في عز الظهريه ..
و عاد لا احد يجي يقولي ابي صور او مقطع فديو << معصي
عشان ممكن لو اوزعه صدقوني يبي يمسكون و على طول
فحص يبي يشوفون اني في حاله طبيعيه او لا << شكلي فليته ..
ايه و هذا اللي حصل في احلى ايام عمري و الله قسم بالله و الله العظيم
مدري وش اقول
غير الله يرجع لنا ابوعبدالله و نشوفه مره ثانيه
و لي يابوعبدالله وعد اني لـ اجي من القصيم للرياض
لعيونك بس << حسيت اني نشبه بس وش ذنبي اذا حبيتك ..
ويشهد الله إن سامي بحق أسطورة في التواضع والأخلاق << يلوموني ليه أحبك
