إقتباس الرسالة الأصلية كتبت بواسطة كارلوس شخصياً هالوقت فرصه زينه مره ، لمنتقدي الشامخ بيريز رئيس حط الكوره ، في حوش ابو ضاري المسفهل الى الحين بيريز سوا ميركاتو ، حتى اطلق متفائل فينا و متشائم باالعالم ما فكر فيه اذا شفت ان فريقك ينهزم من اشبيليه باهداف لها سيناريو واحد وبعدها يجي وينلقم من الميلن ، بنفس الوضعيه من الشارع الوسيع اللي ع اليسار هنا البلا من مين بالضبط ؟ قولوا بيريز تكفون عشان اكمل الضحك مره ثانيه قولوا بيريز ، عشانه ما يعرف يصفق زين بالمنصه ، والا قولوا عشانه يجي الملعب بدون البودي جارد ، والا قولوا ان فالدانو ما يحضر التمارين والبلا هو والا قولوا بوتراجينو والا قولوا زيدان اللي ماسك منصب بالتطوع بس لا تقولون ابوضاري ، عشان ما تزعلونا ؟ سلامات وش هالمنطق ؟ وش هي لمسات ابو ضاري الى الحين ع الفريق ؟ علمونا ؟ ليه اكسابي اللي معنا ، غير اكسابي الليفر العام ، اللي الليفر الحين بلشان بالهزايم من عقبه !! ليه كاكا الميلن غير كاكا حقنا الحين ؟ ليه البنز حق ليون غير حقنا ؟ ليه بيبي اللي دخل قلوبنا من اول سيزون ، الحين نسبه ونشتمه ؟ ليه راموس صاير عاهه و كخه ؟ فيه مشكله تكتيكيه بالفريق اللاعبين ما يدرون الظاهر وش ادوارهم ، او مب راضين عن ابو ضاري فيه عله داخليه بالفريق ، وانا انطباعي انها من الشيخ ابو ضاري الظاهر كود يجيه سليم مره ثانيه ، ويقول له ترى عندنا فقع عشان يسفهل خخخخخخخ ويستانس ويضبط وضعه مثل الاوادم ، والا يخلي الكرسي لغيره نبي نشوف شغل ياابو ضاري ، نبي نشوف تكتيك ، نبي نشوف تغيير ما نبيك تلحط ناس بالدكه ، كذا من الباب للطاقه شغل المداوره حقك ذا شف له صرفه ثانيه تكفى ، تراك بالريال والوضع في مدريد صعب يا حبيبي ، اجل تحسبن العليا مثل خنشليله > وشفيارياله خخخخخخ سلميشن

فعلا بيليغريني يتحمل جزء من المسؤولية

بس وش تبي أبو ضاري يسوي اذا كان يبي لاعب في النص مثل شنايدر أو كازورلا وبيريز طير الأول وما جاب الثاني

وش تبيه يسوي اذا هو مطورط ويحط كاكا صانع العاب

عمرك شفت كاك في الميلان يلعب صانع العاب

يا أخوي لازم نكون واقعيين و نقر بأن بيريز له حصة في الخبطة الي صايرة في الريال