نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - اللي يبي درب السلامه ( تساهيل ).. واللي يدوّر الشر يسرق مني ( صحن فول )

مَاهِينُورْ · #2 23/10/2009, 03:40 PM

*.

هلا ومرحبا أستاذ / الصخرة

إطلآق لقب مجموعة إنسان على أصحاب الوزن الثقيل فيه مراعاه لشعورهم
خآصة إني ضد كلمة " دب " أعتقد إنها سبّ لهم ودائما تزعّلهم هالكلمة

~> طرى علي المريض الغامدي الي قبل شويّ جابوا عنه تقرير ع الإم بي سي

الله يشفيه ويعافيه ياا رب

, بنشووف تحرّك المسؤولين سريع مثل المرضى الأجانب

~~> شطحة لابد منها

..
بالنسبة للموقف الي يجيب الجلطة الله يكافينا الشر
ياكثر مايحصل

لكن المشكلة الأكبر تقع لنا معشر النساء

إذا صكّيت الباب وجيت بمشي دقّرت

~> بمعنى وقّفت

وإذا إلتفت لقيتني صاكّةٍ على عباتي

مثل إختي بليالي الشتاء طلعت من بيتنا متأخرة وصار لها هالموقف , لكن الحمد لله اتصلت علي وفكَيت قيدها ومشت لبيتها

ولاّ سالفة اللي بليلة زواجها بيدخل عليها زوجها وهي ببيت أهلها
فلما جو بيطلعون صكّت باب الشارع على فستانَهْ

~> مرتبشه

ولأن ماحولهم أحد الأهل بالقصر , فـ قرر زوجها قصّ الفستان وتحريرها

..

بالنسبة للمخيمات
الحمد لله ماحنّا من أهلهن
الله يخلي لنا برّان القصيييم ماهنا أوسع منها

لكن الجشع موجود بكل مكان

~> على طاري التخييم , أمنية حيااتي أخيّم بهالمنطقة

مو بس أخيّم أعيش بمنغوليا وأرعى الغنم وأحلّب الغنم و البقر

~> مايحلّبون بقر الله يقرفهم يحلّبون الخيل

..

أما عن سالفة أبو نص ريال من حقّه والله

..

الله يعطيك العافية أستاذ " فهد العلي "

~> يحلفون إنها ما قرأت من الرابط اللي بالجمهور إلا الإسم

موضوع خفيف و يوسّع الصدر

واعذرني إن كاني خرجت برا الموضوع

=======

إقتباس

الرسالة الأصلية كتبت بواسطة مواصل من عام 1413هـ


	على إني ما أواطن العثيم <---- يكره العثيم وبنك الراجحي وبنك الأهلي <---- بيجونه ألحين القصمان يمشون 3 آلاف يقتبسون رده ، للشرشحة

أنا اقتبست ردّك للتأييد وليس للشرشحة

لأني ما أحب العثيم

بسبب موقف حصل لي فيه " الله لا يعيده "