اخوي / النورس السلام علكيم ورحمة الله وبركاته تحية عطرة
اخوي انا اشهد انك بردت كبدي انت والشباب الي ردوا على الموضوع
اولا شي ابي ابدا بمدربي الفرق التالية :
برشلونة : مدر ب سئ سئ بمعنى الكلمة مو عارف يضبط تشكيلة الفريق ويعتمد على لاعبين معيين طبعا برشلونة لو الله ثم ريفالدو مايسون شئ صح فيه لاعبين مثل اوفر مارس وكلايفرت وزندن ولويس انريكه وايمانويل بوتي وجارديولا لكن انظر للاسماء الا تستغرب فريق زي برشلونة يتهور بصورة هاذي غير معقول غير معقول جدا منطقيا الاسماء المعروفة لازم تفرض نفسها لكن المدرب قاعد يلعب بالتشكيلة
بعدين اجي للمدرب الي حارق اعصابي الى اللحين الي هو زكروني الداج هاذا المدرب ضيع ضيع ايه سي ميلان ضيع الله لايوريك مدرب ماادري يعلب بطريقة معقدة وفيه لاعبين في الاحتياط يعني يؤثرون في مجرى المباريات لكن ما يسوي ولاشئ لكن اللحين شف ميلان نار نار مولع ريدوندو رجع و روي كوستا وقع وفليبو انزاجي ولو انه متسرع وقع وفيه هداف الدوري الاسباني وقع
يعني ميلان الموسم الجاي هاذا نار نار وانا اقولك راح ينافس على الكأس لانه لقى ضالته
ومدرب جديد ومتميز مدرب غلطة سراي ثم مدرب فيرونتينا الي هو فتح تيريم
اما فابيو كابيلو والكس فيرجسون لايختلف عليهم اثنين الاول درب ريال مدريد وبرشلونة وايه سي ميلان وحقق معهم نتائج طيبة بالذات ايه سي ميلان ايام مثلث الرعب الهولندي
فيرجسون هذا المفروض يصير مدرب المنتخب الانجليزي لكن اعتقد انه من ويلز
اما بالنسبة ل ماركو كاردلي هذا المدرب الي يشوف نتائجه مع الفريق يقول المدرب سئ لكن والله المردب مو سئ لكن اللاعبين مو منسجمين مع بعض حتى مرة قاعد اتابع مبارة للانتر والمعلق يقول هاذي الجنسية رقم 13 الي تدخل الفريق شوف 13 جنسية واكثر غريبة ولاعبين على مستوى عالي
بس صد ق المتصل الي قال هذا الفريق لازم يجيبوله طبيب نفسي
واخيرا وليس اخرا اسف على الاطالة ودمت في رعايةالله وحفظه