السلام عليكم 
كيف الحال جميعا حبايبنا .. مرتاحين ان شاء الله
المعذره على الغياب للظروف .. لكن بصراحة كنت متابع للرابطة صفحة بصفحة في الدوام لكن صعبه ارد وكذا بس افتح الصفحات واتصفحها على مدار اليوم متى ماحصلت الفرصة والنت بلابتوبي مادري شفي امه صراحة مايشتغل بس يشتغل باللابات الثانيه! يله مو مشكله لاحقين خير اهم شي انكم بخير 
وكل الشكر لكل من سأل عني في فترة غيابي .. عساكم ماتفقدون غالي ماتواجدت بمباراة الفالنس ولا بمباراة كازان وطلعنا بنتائج سلبية .. كم تعطونن وأسنتر كل دقيقه بالرابطة؟ 
هارد لك هالمباراتين وان شاء الله نعوضها في باقي المباريات ونطلع بحصيلة رائعة أيضا هالموسم ونجدد بطولات الموسم الماضي ..
مباراة قبل أمس الفريق واضح عليه الإرهاق بشكل مهب طبيعي .. بس صراحة ماكان ودي من بيب يدخل بهالتشكيلة .. يعني يوم الجزيرة عرضوا التشكيلة المتوقعه قلنا هذي التشكيلة المثاليه وتفاجأنا انه داخل ببيدرو وماركيز ومادري ايش .. صحيح ان المباراة بالنوكامب وقدام خصم يعني يعتبر بسيط لكن يعني ممكن تلعب بالتشكيل الكامل من البدايه واذا ضمنت المباراة سو اللي تبي .. كيتا بصراحة كان مفروض يكون موجود من البدايه ولما شفنا التكتلات الغير طبيعيه منهم كان مفروض تشركه على الاقل بنص الشوط الأول ..
عموما فيه كم شغله ساهمت في الفوز سواء الحكم اللي مادري من أي حظيرة جايبينه هو وقرعته لابارك الله فيه .. التكتلات مو مشكله متعودين عليها لكن يكون فيه لعب عنيف جدا وانبراشات والدوائر شغااااله 
لا صعبه صراحة وحكم يسمع بالتحكيم يعني بيصعب الوضع شوي والأهم من ذولي الشباب ماكانوا بالفورمه أبد والإرهاق مره لاعب فيهم .. الهزيمه كويس انها جت بهالوقت .. وبيرفيكت انها جت من فريق زي روبن كازان .. علشان اللاعبين مايغتْرون ويعرفون انه في حال مالعبوا صح ممكن ينهزمون .. تصريح اينيستا ممتاز لما قال نتمنى نفوز بكل مباراة بالخمسه لكنه شي صعب .. هزيمة كازان اتمنى انها تكون اعطت اللاعبين صفعه بسيطه انهم يحسون بمسؤولية الشعار اللي يلعبون فيه ..
عن نفسي أعطي سبب الهزيمة 5 من عشرة للحكم - 3 لكازان ولعبهم العنيف وتكتلاتهم و2 لبيب وعدم استخدام تغييراته بوقت أبكر .. طبعا ماركيز قاضين منه وخارج الحسبه اصلا .. الهدف الأول منه والثاني له دخل برضو وعدم التغطيه مضبوط .. يعني ماركيز من قوة انه اقوى سبب طلعه من القائمه المباراة الجايه بالنوكامب يعني مافيه لا سفر ولا شي وقدامهم 4 أيام كامله مكمله والكامل وجهه .. يمديهم يسترجعون لياقاتهم ويستوعبون اللي صار ويمدي بيب يسوي اللي يبي فيها ..
إصابة ألفيس مصيبة والله .. ليتها جايه بوقت مباريات الفيفا لكن قدر الله وماشاء فعل .. يعني 6 مباريات بالضبط مهب لاعب فيها والسابعه الله العالم بعد .. المصيبه انه مافيه بديل له! يعني الحين يله حط بويول مكانه وبربس إلين يرجع بالعافيه .. الله يعين بس ..
بالتوفيق للبارسا قدام سرقسطه الاحد الساعه 11 بحيل الله .. وبالتوفيق للفريق بإذن الله في قادم المباريات .. والله يوفق البارسا تحت كل سماء وفوق كل أرض ..
