| يعطيك العافية اخوي محمد
مشاكل الاتحاد السعودي مع الاسف كثيرة وتحتاج فعلاً لحلول وانت ذكرت بعض المشاكل وحلولها وماقصرت واتفق معك فيها
باستثناء مشكله تأثير الميول على الاعضاء المشكلة موجوده وواضحة بس ما اعتقد الحل مثل ماذكرت في الاستعانة بالخبرات لتفادي مشكلة الميول
بأختصار وجود لوائح وقوانين واضحه وعادلة الى حد كبير (لانه من المستحيل ايجاد قوانين عادلة بشكل كامل وبدون ثغرات ) راح تمنع تدخل الميول والاهواء الشخصية .. الجميع في الوسط الرياضي يشتكي من غياب اللوائح العادلة ولذلك يستغل بعض اعضاء الاتحاد السعودي ذلك في فرض ميولهم
من الممكن ان نستفيد من الخبرات الاجنبية في لجنه المسابقات لان وضعها سيئ وبتصريح كل من يأتي للعمل فيها وعند سؤاله عن مشاكل المسابقات من تداخل وتأجيل وتوقف يقولك هذا افضل شي نسويه واحنا نواجه صعوبات .. مع انه في اوربا لايحدث هذا الشي
واللي أسوأ منها لجنه الانظباط واختراعاتها وهذه بالذات لاعب فيها التعصب لعب ولوائحها يستغربها حتى الاطفال
وبعتقادي ان قرارتها هي سبب الاحتقان والغضب من ادارات الاندية والجماهير والاعلام
يعني كمثال العقوبه الاخيره على الهلال والاهلي بسبب الشغب الجماهيري بنقل مباراتهم القادمة خارج ملعبهم .. انت بكذا راح تعطى افضلية للفريق الخصم بلعب مباراة زيادة على ملعبه دون باقي الفرق ... وهذه لائحة فاشله
في السابق طبقوا حرمان الجمهور من الحضور .. وهذه بعد فاشله لان الفريق غير المعاقب وش ذنب جمهوره مايحضر مباراة فريقه غير الامور الثانية الاستثمارية وغيرها
اذا كل العقوبتين فيها ظلم ..
ومن وجهة نظري ان حلها سهل وهي اما التدرج في العقوبات المالية فقط .. او ان يكون العقاب حرمان الجمهور من الدخول في اول مباراة تجمع الفريقيين اللي جمهورهم عمل الشغب يعني مثلاً اذا بتعاقب الهلال والاهلي تكون العقوبة حرمان الجمهور من الدخول للملعب في مباراتهم القادمة في الرياض
مع التأكيد على عدم اتحاذ القرارات الانظباطية بتعجل وتسرع مثل ماحدث في العقوبة الاخيرة وخصوصاً في الشغب الجماهيري
في النهاية نلاحظ ان (اعضاء) الاتحاد السعودي لكرة القدم موزعين على( لجان) الاتحاد السعودي لكرة القدم!!
السؤال البرئ ماهو دور اعضاء الاتحاد السعودي في( محاسبة ومراقبة عمل) اعضاء اللجان في الاتحاد السعودي؟!
آسف على الاطالة والكلام كثير وتقبل مروري
 | 