باااك أليم
كنت ناوي أكتب القصه أربع أجزاء ,, بس بما التوقيت مختلف. راح أختصرها 
أعتقدالساعه 1 الليل عندكم.
/
][ قصتي مع أبو عايشه ][
المهم وصلنا ليفربول ,, السلام عليكم ,, سلطان أنا عند العنوان الي اعطيتني,, وينك فيه ؟
سلطان بصوت مفقع ,, يالله يالله نازل لك.
دقايق ,, سلطان قدامي وجه شبعان نووم ,,
سلام وعليكم السلام ,,
سلطان : الحمدلله على السلامه ,,, ( الله يسلمك ),, ولا تعبت ( ولا ندمت ),, منور الحته ( النور نوركم ) 
عن أذنك ثواني باجري إتصال ,, الووو السلام عليكم ,, مرحبا يبه ,, ابشرك وصلت والامور طيبه 
سلطان : ناوي تسكن معانا ,, ( انت وطارق ؟) ,, ايه وفي غرفه فاضيه ,, ( خير ان شاء الله )
رحت لمكتب السكن وقلت لهم بسكن مع الشباب الحلوين اذا ما عندكم مانع ..
ربع الساعه والمفتاح في يدي ( ناس سنعه ماهم ربيعنا ) ألف مليون ورقه عشان تخلص شغله وحده.
الحمدلله السكن كان مريح ,, والشباب خيرت الرجال شروا من عندي 
اليوم الثاني صحيت ,, لقيت شنطتي عند المكتب 
في السعوديه قشر بصل شهر لين تجيك وغرامه
وتمضي الأيـام ,,,
بعد 5 أو 6 اشهور ,, ما أذكر بالضبط ,,
رحت أصلي الجمعه في مسجد ( الرحمه ) < وجه يناظر ناصر
وبعد الصلاه مجموعة من الشباب كانو يسولفون ( عرب ) ,, خلال الحديث ,, تعرفة على شخص أسمه ( سالم )
كان شخص قمة في الاخلاق والحفاظ على صلواته الخمس ,, ما غرته عيشته طوال العمر في الغربه.
المهم ,, سالم : كيف حالك ماجد ,, ( بخير الحمدلله ),, وش عندك اليوم ؟ ( عندي واجب بسيط اخلصه وبعدها ولا شي)
سالم : أحنا كل يوم جمعه نلعب كرة في ,, لازم تلعب معانا اليوم ( اوكي حلو عطني رقم جوالك ) ,,
اخذت رقم جواله واخذ رقمي ,, رجعت للشقه وكالعاده سلطان وطارق حايسين الدنيا فوق تحت ويلعبون كرة في السيب حق ممرات الغرفه
خلووو عندكم لعب الاسياب ,, تروحون معاي اليوم ؟
طارق وسلطان : على وين ؟
والله بروح العب كرة مع شباب المسجد في الحديقه ...
طارق وسلطان ,, لا مشوار الحديقه ولا فيه لياقه ,, ( أنا ) أنطقو ,, وش جوكم انتم وجلسة البيت.
المهم خلصت واجباتي البسيطه وكلمة سالم ( ألووو سالم وينك )
انا قريب منك ,, ( تعرف ويني فيه ؟ ) سالم : أيه أنت في الأبريكامبري سكوير صح؟
صح ,, خلاص قابلني عند The font ,,
نزلت له بعد ما لبست تي شيرت اليوفي  وطلعنا ,,
متى بتلعبون ؟ سالم : بعد ساعه ان شاء الله ,, ايش رايك نمر على شارع سميث داون روود. < مره ثانيه ( وجه يناظر ناصر )
وش عندك ؟ سالم : خلال هذي الساعه ودي استغل الوقت واحلق.
حلوو حلووو انا من زمان ادور لي على حلاق زي الناس ,, سالم: هذا حلاق عراقي يعجبك ,, أفضل حلاق في ليفربول.
اوكي يالله نروح ,,
المهم ركبنا الباص وتوجهنا لشارع سميث ,,
دخلنا الحلاق ,, مسجل في الزاويه ,,, كاظم الساهر ,, زحمه عجيبه 
جلست جنب في سالم على كرسي الإنتظار ,,
سالم : تدري أن سيسوكو يجي يحلق هنا دائماً ,,, ( والله من جدك ؟ " وبداخلي : ياعمي لاقينا في لفه هذا ؟ " )
ايوه دايم يجي ,, والحركات الي يسويها على شعره هذا الحلاق يضبطها له.
10 دقايق بس ,,
الباب ينفتح
رجال طويل اسود ,, لابس سبورت احمر على احمر ,, نظاره شمسيه ,وسلاسل على رقبته.
كلم الحلاق وطلع !!!
سالم : ماجد ماجد ماجد ,, قلت لك سيسوكو ! وش سيسوكو ,, سالم: ما تشوف أنت ؟
هذا سيسوكو الي دخل قبل شوي.
طبعاً انا ما توقعت هذا سيسوكو الطول ,, شي خيالي ما شاء الله واصل الباب.
سالم يمدينا نروح نسلم عليه بسرعه ؟ قال يالله خلنا نطلع.
طلعنا إلا سيسوكو معطينا ظهره وماشي اتجاه السياره ( رينج سبورت )
سالم بكل جرئه / سيسوكو سيسوكو ,,
التفت واحنا قريبين منه ,, سالم : السلام عليكم ,, سيسوكو : وعليكم السلام.
سالم : we just want to say hi ,, me and my friend Majed,, And God Blass You Brother.
الترجمه ( فقط أردنا أن نسلم عليك انا وصديقي ماجد ونقول لك ربي يبارك فيك أخونا )
سيسوكو بكل تواضع سلم علينا ومشا.
رجعنا وسألناه متى بيجي ؟
قال الحلاق بيكلمني جوال  شكله يصرفنا
ورحنا لعبنا كرة واستانسنا
سبحان الله صدفه غريبه خصوصاً أنه أنتقل لــ فريقي المفضل السنه الماضيه
وبس
/
Juventino
تعجبني والله
ان شاء الله بنزل موضوع طويل عن المباراة بعد كم يوم  |
