إقتباس إقتباس من مشاركة ابوسليمان صحيح سامي مظلوم شرد المدرب دعاية ببسي برامج في لبنان وبالنهاية ليه مايعطوني فرصه عطوك وطردو المدرب وأخرتها فرص لو هو من صغار اللأعبين ماضيعها سامي خلاص بلاك اريح

إقتباس إقتباس من مشاركة الزعيماوي هنا سؤال واحد بس يبين ان سامي بعيد عن مستواه من سنه او سنتين متى اخر مرة شفت سامي يجر مدافع على خشته زي منول؟؟؟؟ الحين اذا خذ الكورة يعطي المدافع قفاه والا يناولها لواحد ثاني اذا اللاعب بدا يسوي هالحركات يعني خلاص فقد القدره على جندلة الخصوم الله يذكر ايام اسكندر بالخير ((صدقني سهل ياسامي))

متى تقتنعون بأن سامي عالة على الفريق؟! حالياً؟!
بتقولي مالعب الا آخر شيء بقولك اللي بيشوف لعبه في الدقائق اللي لعبها بيعرف ان ماعنده سالفه، وبقولك بأنه كان أساسي في مباراة الشارقة ولا شفنا شيء؟
نعم عالة على الفريق، سامي كنا كلنا نثق فيه قبل خمس سنين أيام ماكان مايعوق معه أي مدافع لكن هالأيام خلاص يريح عمره بس أبرك له.
أنا أبي أعرف شيء واحد بس انت ليش تقول ان احنا نكره سامي من اللي قالك؟
ياخي انت جب لي أي شخص مايعرف سامي ولا يعرف في الدوري السعودي شيء وخله يشوف مباريات الهلال كلها اللي شارك فيها سامي وبعدين قل له هذا سامي اللي جاب قول التعادل على الشباب 1418 وشف وش بيقول لك اذا صدقك قابلني؟ حتى اذا وريته الهدف موب مصدقك، ياخي ارحمنا ياخي لنا عقول ونفكر ونشوف ونعرف الشين من الزين.
ياحبيبي أنا أحب سامي يوم كان كل همه أنه يفرحنا وكل همه أنه يفوز الهلال، لكن سامي هالأيام أيام الدعايات وأيام الإتصالات وخرابيطه اللي مالها داعي مابيها.
مع كل هذا أنا ماأنكر بأن (تاريخ) سامي كلاعب تاريخ ذهبي ومافي أحلى منه، لكن سامي بنفسه بيهدم اللي بناه؟!
فرجاءً لا تجي تقولي بأني أكره سامي وكلام من هالقبيل؟!