نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - هدية للاعبي الهلال .. (صديقي من اهداني عيوبي) مجـلـس الانـتـقـاد الـــبــنّاء ..

شعار الهلال · #1 17/10/2009, 07:19 PM

اخواني اعضاء شبكة الزعيم اسعد الله جميع اوقاتكم بكل خير

طبعا الهدف من موضوعي ممكن يكون واضح للبعض بشكل ايجابي

وممكن يكون واضح ايضا بشكل سلبي

الزبده طال عمرك اهي اننا ننتقد اللاعبين !!!

<< ايه لا تطالعني بعينك ننتقد اللاعبين

ولكن انتقادنا هنا هو فقط للبناء وليس للهدم

كل واحد يمر بموضوعي بس الي عليه يتكلم بجديه عن جميع اللاعبين وما يحتاجونه وما ينقصهم

بصراحه يكفي تجريح الي ماوراه الا الضياع

وايضا بصراحه يكفي تطبيل تعبنا نطبل تعبنا نجرح ووش الفايده

طبعا ولا شي

المهم ناقص اننا نتكلم بجد وننتقد اللاعب بحيث نوقف معاه ونسانده

علشان احنا جمهور الهلال

المهم اني اوصل لكم الي بخاطري

طبعا انا راح ابدا مو شرط اني اذكر جميع اللاعبين بس بعضهم ممكن

محمد الدعيع / انت قائد كبير ولكن يخونك التعبير دائما المطلوب منك زياده شوي في التركيز وما ننحرم منك يا ابو عبدالعزيز

اسامه هوساوي / من جد تنحط على الجرح يبرى بس ملاحظة الي اشوفها انك تندفع كثير على الكورة واندفاعك يتسبب لك بالبطاقات الملونه وللعلم لما اشوف اسمك في التشكيله ارتاح

ماجد المرشدي / ياليت يرجع ماجد زمان صرت اشوف فيك تهور زايد برضه انت اسمك يريحنا في التشكيله

عبدالله الزوري / عهدناك مثل الطلقه في الانطلاقات على الاطراف والان نشوف البطئ الشديد وعدم التراجع ياليت تركز شوي

فلهامسون / الاشقراني انا مادري كيف بتقرى كلامي بس عندي امل انه راح يوصلك المهم تنقصك شغله صغيره كانت موجوده بس اختفت ( انهاء الهجمه ) احيانا من الدفاع تنطلق وتسوي الاصعب ولما يجي وقت انتهاء الهجمه اما برا والا اوفر عالي مره

المحياني / احنا معلقين عليك امال كبيره وبما ان مستواك نازل في المباريات الماضيه بس كلنا ثقه برجعتك وبقوه مشتاقين لطلق المحيا

الفريدي / كامل والكامل وجه الله سبحانه بس ياليت تطنش كل مايدور حولك وركز في الكورة ( الحقران يقطع المصران )

ياسر القحطاني / ادري مرت عليك ضروف ومصايب مايعلم بها الا الله بس احنا محتاجينك ومشتاقين للاعب الي يسجل من اقل من نص فرصه ياسر نتمنى تتجاوز هالفتره بأسرع وقت

خالد عزيز /

ترا نحبك بس الله يهديك

طبعا هذا مابخاطري حاليا.. ولو استجد شي في الردود القادمه على نفس الموضوع

برايفت ,,,,

اقول للي مو عاجبه الموضوع ولا الكلام يحتفظ بتعليقاته لنفسه اتمنى اني اشوف موضوعي بدون ردود على اني اشوف تعليقات لا ترتقي لمستوى الهلال ودمتم بخير ..