غريب امرك ياصاحب الموضوع !

تقول ممنوع دخول محبين ميسي وانت من محبين ماردونا !

اذا بتتكلم تكلم بواقعيه مو تتكلم عن اشياء الكل عارفه وتبي تسو انك انت الفاهم والباقين داجين !

انت تقول نصبر على ماردونا !

ممكن لو تكرمت تعطيني انجازات ماردونا كمدرب ؟


بالله من مسك ماردونا المنتخب شفت مباراه تكتيكيه او تغييرات تغير نتجيه المباراه ؟


فيه مدرب بالعالم يلعب في التصفيات وكل مباراه تشكيله وتغييرات في الفريق من اكثر من سته لاعبيين عن كل مباراه ؟


فيه مدرب بالعالم يملك نجوم امثال ريكلمي وكمبياسو وزانيتي وزراتي وبلاسيو وولتر صامويل ويجيب باليرمو وفيرون وقلوب دفاع يلعبون لاول مره في المنتخب ؟


فيه مدرب في العالم يسحب اثنين واحد مهاجم وواحد صانع العاب ويدخل مدافعيين وباقي على المباراه 25 دقيقه والمباراه هذي حياه اومووت مثل المباراه الاخيره ؟


اسمحلي فانت لاتفقه في التدريب واذا تبي تعرف التدريب شوف الارجنتين ايام بيكرمان وباتستا وشوف تدريب ماردونا وتعرف الفرق في التدريب ..!


بالنسبه لميسي انت شوف ماردونا وين يلعبه بعدين تعال انتقده !

شوف مستوى ميسي في بطولات كاس العالم للشباب والبطوله الاخيره بطوله الاولمبياد وكاس العالم 2006 ومع ناديه وشوفه مع العاله ماردونا ؟

وايضا شوف اكثر الاعبيين يبدعون مع انديتهم ولكن لما يجون مع ماردونا الاعبيين تحسهم تايهين والسبب التكيك السئي من السيد ماردونا ؟


واسف على الاطاله ولكن حبيت توضح الفكره للجميع وبالذات انت ياصاحب الموضوع ..


وبالتوفيق للتانقو في الغد وباذن الله الى كاس العالم ..