| ::
أخوي الغالي الظاهرة
لعل موضوعك أهم موضوع كنت أتمنى أقول رأيي فيه عن مايدور في الهلال
وللحق خالد زودها لكن ..!!
باختصار خالد عزيز يغيب
ولا لعب ماتفكر تقول خانة المحور فيها ضعف
خالد مميز حيل حيل .. بلا مجاملة
وش نستفيد من لاعب منضبط مايؤدي في الملعب نصف مايؤدي المشاكس
أحمد الدوخي بعناه وأضعاف ثمنه دفعنا وأول من دفع من فرط فيه الأمير محمد بن فيصل
نامي وحده كلفنا 6 ملايين ريال .. والدوخي تكاثرنا عليه نصف مليون أو أكثر بشوي
الحزم مطلوب لكن أنت تعامل بشر
الأفضل أن تكسب أنت برأيك لا أن تخسر ليكسب رأيك
رأيي إن الحزم مطلوب لكن مو لدرجة نخسر خالد
شوف وين بيروح وتعرف وقتها إن بقدر ماخسرته كسبه خصمك الأصعب
وازداد صعوبة وقوة وتركيز
أعرف يقين إن خالد أخطأ ومؤمن بذلك
لكن لو تكرر هالتصرف من أسماء معينة في الفريق هل سيقال فيهم مثل ماقيل في خالد
يمكن خالد متأثر بسبب الانتقائية في التعامل وتفضيل غيره عليه
أو اي امر خفي مايعرفه إلا المقربين منه
عموما خالد في لحظة احتدام انطرد
ياسر ضيع حلمنا في دوري أبطال آسيا قبل موسمين برعونته
وتدخله في تنفيذ ضربة الجزآء أمام الوحدة الإماراتي
من يذكر هذي (غلطة ياسر) ومن نسي هذي (غلطة خالد)
لازلت أقول خالد في الملعب لايمكن لثلاثة لاعبين أن يغنوا عنه
فمابالك بواحد حتى لو هو رادوي
فمابالك بموهبة جديدة يحتاج لها كم سنة صبر
هذا لو كانت موهبة ومن هنا لوقت ماتجي هالموهبة شوف كم ريال اندفع
وكم بطولة خسرت وكم وكم وكم ...
الهلال يعنينا ورأينا الهلال بعزيز الأميز
في مباراة النصر الأخيرة وبعد غياب عزيز من العام
رجع بلمعانه وكأنه يقول مثل مالهلال مهم فللنجومية عربون
لاتجد اللاعب الكامل وخالد عزيز غالي ثمن
ويستحق الجلوس معه والتحقق وسؤاله
سنندم لخروج خالد واتركوا عنكم المثالية الزائدة
وهناك من يحضر التمارين وضامنها أساسي
وربي مستواه مايؤهله ولا يلعب في النصر
بدون أسماء
التنازل عن خالد أو أي عقوبة لخالد وهو من كرر نفس الخطأ بدون تحقق تعصب للرأي أعمى ونسيان إن من يطبق عليه النظآم لاعب من لحم ودم وعاطفة
لو رحل خالد عزيز
اعتبره نهاية هلال عبد الرحمن بن مساعد
تمنيت لو خالد قدّر وماسواها
بس أدآء خالد في الملعب يجبر خطأه خارج الملعب
وإذا هي على سالفة المواهب
ياما كثير ضيعوا مواهب وللحين على قلوبنا ويلعبون
بدون عاطفة
خالد عزيز أخطأ ويحتاج خطأه للجلوس والاستماع له لا أكثر
قبل فرض عقوبة متهورة تضيع جهد اللاعبين والأمير وتحرق أعصابنا
نحتاج لمنطقية اخوي الظاهرة ياليت لي نصف الأسلوب اللي تملكه
لو سكت قلمك الحر العذب عن الدفاع عن خالد حتى وهو مخطئ فبربك من لخالد
×  | 