السلام عليكم ورحمة الله وبركاته ..

حي الله الزعماء كلهم ..

اليوم بشرح للمبتدئين أول خطوة في عالم الاون لاين وهي كيف تحصل على PSN ID ( معّرف او هوية بلاستيشن نتوورك )

مالكم بالطويلة ونبدأ بالصور والشرح فـوق كل صــوره ..

--

أول شي نروح لم PlayStation Network ونختار هذي اللي عليها اشكال كثير



[ 2 ]
بتفتح معنا نافذة جديدة ونختار Create New Account ( اختيار او عمل حساب جديد )



[ 3 ]
نختار Continue ونكمـل



[ 4 ]
هذي نافذة المعلموات حقتك يعني البلد أول شي تخليه Saudi Arabia ( السعودية ) وركز معي هنا لأن فيه نقطه مهمة انا حاط تاريخ الميلاد 1990 .. وهذي غلطه مني في الشرح واعتذر عليها .. انتم حطوا تواريخ ميلادكم 1980 ( عشان تحمل الألعاب اللي +18 ) ونقطة ثانية ومهمه بعد .. اذا حطيت دولتك السعودية بتصير تدخل على الستور الأوروبي واذا حطيت دولتك امريكا بتصير تدخل على الستور الأمريكي .. على العموم السعودية تتبع النظام الاوروبي فخذها وريح مخك واذا بغيت ستور امريكي افتح يوزر ثاني عادي



[ 5 ]
هذي طبعا الاتفاقية والشروط للدخول في عالم الاون لاين على البلاستيشن ( كلام فاضي ) حط Accept



[ 6 ]
هنـآ نخلي الفراغ الأول تحط ايميلك
والفراغ الثاني تحط الكلمة السرية ولازم تكون حروف وارقام < على الاقل ارقام وحرف واحد او حروف ورقم واحد ..
الفراغ الثالث اعادة الكلمة السرية ( المربع اللي تحت الفراغ اذا تبيه يحفظ الكلمة السرية حقتك حط عليه صح )
الفراغ الرابع السؤال السري ( مهم في حالة انك نسيت الباسورد )
والخامس حط الجواب حق السؤال اللي فوقهـ ..



[ 7 ]

لو حطيت البيانات كلها صح بتطلع لك هذي النافذة .. والحين تختار الاسم اللي بيشوفونك العالم فيه وانت تلعب معهم ولا تقدر تغيره فخذ وقتك وانت تختاره ولا تستعجل



[ 8 ]
بعد ما تختاره بيطلع لك وحده من صفحتين ..

هذي يعني الـ ID هذا مب حق احد وتقدر تاخذه لك


وهذي يقول لك ان الـ ID اللي حطيته اختاره احد قبل شف لك ID غيره


[ 9 ]
والحين الفراغ الأول حط الإسم الأول حقك .. مثلا ابراهيم , محمد , فهد
والفراغ الثاني حط فيه اسم العائلة
والفراغ الثالث اختر الجنس حقك Male ( ذكر ) Female ( انثى )



[ 10 ]
والحين الثلاث فراغات الاولى حط عنوانك ( يكفي تحط واحد بس )
والفراغ الرابع المدينة
والفراغ الخامس مدري وشو بس عادي خله فاضي
والفراغ السادس الرمز البريدي



[ 11 ]
هذي يقولوك اذا تبي الاشياء الجديده تجيك على الايميل مثل اخبار عن العاب وكذا ( شخصيا اشوف انها ازعاج على غير سنع ... ادخل مواقع الالعاب وريح مخك )



[ 12 ]
هذي الصفحة عشان تتأكد من بياناتك واذا فيه اي شي غلط فيه شي على اليمين اسمه Edit ( يعني تعديل ) اضغط عليه وضبط وضعك


[ 13 ]
هنا يقولون يا زعيم بأخلاقك مبروك ضبط الـID حقك بس فكنا من شرك ورح نم وراك بكره دراسة



[ 14 ]
هذي اخر شي يقول لك تبي تختار صورة رمزية لك الحين والا لا ؟
اذا تبي اختر الخيار الأول واذا تبي تختارها بعدين اختر الخيار الثاني



وبكذا خلصنا الموضوع ولله الحمد ..


ملاحـظـة / الموضوع حصري للشبكة وللتوضيح Z3eeM_Ba5LaQI هو انا زعيم بأخلاقي بس بالانقلش

.. دعوة صادقة تكفيني ..

وبـإذن الله لي عودة في مواضيع قادمة

تحياتي للجميع ..

اخوكم ابراهيم .., ( زعيم بأخلاقي )

..