1- بما انك مالك اي علاقه معي فـ احب اخذ انطباع الاشخاص عني من سلبيات وايجابيات لـ استفيد منها مستقبلا ..
بالعربي هذا اخث سؤال بالدنيا .. وش رايك فيني كـ عضو ..؟ وانطباعك الاولى اول مارأيت يوزر ابوخالد-20..؟
وتكفى لاتجامل اكرش بالوجه عشان ماعاد اطب رابطتكم .

بهذه المناسبه اود ان اسألك شلون تشجع الليفر و تشيلسي بنفس الوقت و بالنسبه لـ رايي فيك صراحه محتار يعني وش هدفك من تشيع فريقين متنافسين ما خشت موخي صراحه غير كذا وضعك اوكيه و نعم فيك و من الاعضاء اللي اتابع ردودهم بالاستوديو خاصه انك صاير خليفة مشاري بالاستوديو

2- وش رايك بإنتدابات الأرسنال هذا الموسم ؟ وأي الخانات اللي تشوف تحتاج تعزيز ولماذا ؟

هو انتداب واحد و يعتبر ناجح حتى الان لكن تظل خانة المحور هي حاجة الارسنال حاليا ً ايضا ً مهاجم قناص

3- ماهي هواياتك ووش تكرهـ من الهوايات البعض ؟

حاليا ً بلايستيشن بس و أكره كرة القدم الامريكيه

4- الهيئة وش رايك فيهم بكل صراحة تامة ؟

الصراحه صار موقف محزن معهم و غير نظرتي عنهم لكن ما ننكر ايجابياتهم

4- تشيلسي وليفربول ومآنشستر لو قآلوآ لكـ من تتمنى يآخذ الدوري من بينهم ؟؟!
طبعآ الآرسنال يكون بعيد عن المنآفسهـ

ليفربول طبعا ً

5- افضل ثلآث أسـآطير تشووفهم في العآلم ؟؟!

بيليه - مارادونا - زيدان

6- اذكرلي اعضاء ماتفوت عنهم اي رد داخل الرابطه واذكر لي اعضاء ماتفوت عنهم اي رد من خارج الرابطهـ ؟

ما فيه رد ينكتب بالرابطه الا اقراه

اما برا الرابطه فيه كثير من الاقلام الرنانه و اخاف انسى احد بس بذكر بعض الاسماء ( هلالي مووت مشرفنا - بويل كارلوس - دنيدل - بنزيما - محب الذئب انس - هلالي اصيل ريس الليفر )

7 - تعرف الطير سداح ؟ عطني 3 نقاط تشبه فيها ؟

ما فهمت عليك

8- المجاملة في حياتك ... كم تعطيها ؟ و متى تكثـر منها ؟

والله يا كثر اللي ما يمديك تتعامل معهم الا بالمجامله خاصه بالدوام لذلك اعطيها حقها

9 - وش اللي خلاك تثبـت على هالرابطة تحديدا ً مع العلم إنه فيه مئات
الروابط منتشرة في النت خاصة لـلآرسنال ؟

انا كنت متابع للرابطه قبل ما اسجل بالشبكه و تقدر تقول تعلقت فيها و لـ تميزها

10- وش هي أحلى لحظة فرح عشتها في كرة القدم وشي واسوأ لحظه كذلك ؟

أحلى لحظه يوم تعدينا ميلان بـ السان سيرو انزرع فيني امل اننا بنجيب البطوله لكن اديبايور ما قصر قدام الليفر و طبعا ً اسوأ لحظه على كل آرسنآلي هي نهائي التشامبيونز 2006 و خروجك بـ صافرة حكم

11 - صحيح سلطان بن فهد المفروض يترك المجال لغيره ، و اذا كان ايه عطنا رئيس يستحق يكون مكانه ؟

لا تعليق

12 - تمارس الكورة و إلا بس متابـع ؟ وش مركزك إذا لعبت ؟

هذاك أول , وسط هجومي او مهاجم ثاني

13 - عادات عجيبة نشوفها هاليومين على الشباب مثل الكدشان و جنز طيحني
و إسمح لي يا بابا ... رأيك فيهم ، هل تؤيد قرار توقيف من يسوي هالعادات ؟
وهل من موقف طريق حصل لك مع هالآشكــال ؟

الحمد لله على نعمة العقل صراحه حتى بالدوام عندنا واحد من الشباب الله يهديه طيحني بي ما بان شي و انا مؤيد لـ ايقافهم خاصه عقب اللي شفته قدامي في مطعم و حنا نطلب قالي خويي شف اللي قدامك قلت وش و يوم شفت و القاه نص الوضع حقه طالع اللي ورى طبعا ً

14 - تتوقـع يجي اليوم اللي نشوف فيه ( بعد قليل تشاهدون طاش 20 ) ؟

والله ودي تتوقف طاش قبل ما يجي الجزء الجاي

15- إعلامي - فنان - شاعر تكرههم ؟ عطني بالإسم لو سحت ؟

اعلامي : الدويش / فنان : كلهم / شاعر : ما لي بالشعر بس سمعت اكثر من واحد اكرهه بس ما اعرف اسمه

16 - داعية كل ما سمعت له لازم تتأثر بـ كلامة ؟

الشيخ سلمان العوده

17- رابطة الآرسنال وش تعني لك ؟وفيه أشياء ناقصة في الرابطة و ودك إنها تطبق ؟

ضروره يوميه و الرابطه حاليا ً بدت تضبط و اتوقع اللي كان مأثر هو الخبره فقط

18- جدار برلين لو استمر لسنتين هل كانت له عواقب او فوائد اكثر ... ؟

تبي تفرقهم ياخي انت اهدافك غريبه

19- هناك من يقول ان الانتخابات الايرانية كان فيها تحيز ... رايك بالموضوع؟

لا تعليق

20-الحرب الاهلية اليمنية ... هل تتوقع استمرارها في ظل هذه الظروف التي تمر بالعالم خصوصا الازمة المالية و الوباء المنتشر " h1n1 " و الضغوطات التي تمارسها الحكومة على المنقلبين ... ؟

سياسيا ً لا تعليق اما بالنسبه للوباء فـ أعتقد انه لا وجود له أساسا ً و انما هي الاعيب لـ تسويق المضادات

21 ماهو معنى الصديق الحقيقي بالنسبة لـ THEO WALCOTT ..؟

هو الذي تجده عند الحاجه اليه

22-اكتشاف كولومبوس لـ قارة أميركا .. نعمه ام نقمه ..؟ مع التعليل ..؟

لا تعليق

23- الآرجنتين مع ماردونا .. إلا وين ؟

الى الملحق موب زي أحد

24- ليش العالمية في الفترة الآخيرة فيها تعصب آعمى و الكل يدرعم و الكل يناقش بعصبية لـ فريقه ؟ وش سبب كل هـ المشاكل الحالية ؟

لأنهم خاشيين الجو بقوه و يحسبون ان الفريق داري عنهم و مثل ما قلت قبل اذا اخذت الامور ببساطه راح تحلى النقاشات

25- رايك بمباراة تشيلسي برشلونه العام الماضي بكل صراحهـ ؟ ورايك ايضا بالقرار الاخير ضد تشيلسي بمنع انتقال الاعبين ؟

واضح ان قلبك مفجور للحين
كل الفرق تستفيد من التحكيم لكن ممكن اللي هول الامر هو انه اللقاء كان في ادوار نهائيه في دوري الابطال عشان كذا المباراه اخذت حيز كبير من النقاش لكن بقولك الصراحه انا برشلوني لكن دقيت على خويي بعد المباراه و هو مدريدي و قلت له الحمد لله اني ما نيب تشيلساوي عشان ما ينفجر قلبي لان الحكم كان يضحك صراحه

26- و الله ادري إني طولت عليك لكن أتمنى إنك تسامحني ؟

ما راح اسامحك الا اذا سألت RVP مثل هالاسئله

اعذرني ع الاطاله ولخبطة الاسئل و الانبراش بـ رابطتكم
واسف ان كنت ثقلت الاسئله لاني ماقريت شروط المشاركه بـالإنترفيو .
واعتذر ان تكرر اي سؤال قبل كذا
لاهنتم جميع

أبد يا خوي حياك الله بـ أي وقت حتى لو تبي تحط ضحكه بس الا على طاري هالفيس اتحداك تعد كم ضحكه حطيت بـ ردي عليك


27- وش تتوقع نهاية ارسنال هالموسم ؟

احساسي يقول فيه بطوله و أتوقع الـ FA

28- من تفضل ان يلعب ثنائي في حالة اكتمل الفريق في كل مركز ( قلبي دفاع + محورين دفاعي وهجومي + جناحين + مهاجمين )

فيرما - غالاس

سونغ - فابري

روزيسكي - والكوت

بيرسي - بندتنر

29- تتوقع نجاح نيفيز و المحياني مع الهلال ؟

نيفيز مسوي فارق من الان لكن المحياني من اول ما اقتنعت فيه و ما اتوقع نجاحه

30- ماهي التشكيله الافضل للهلال ؟

الدعيع

الزوري - المرشدي - هوساوي - لي

رادوي - عزيز

نيفيز

------------------------- ويلي
ياسر ---- العنبر


31- وش لابس الحين ؟

استحي

32- وش اسم عمتك الكبيره ؟

برضوا استحي سؤالك بعد

33- من اسطورة كرة القدم الحقيقيه ؟

سؤالك لحس مخي مدري وش تبي بالضبط لكن بجاوب على فهمي

الاسطوره بالنسبه لي هو اللي يشيل منتخبه او فريقه ,, هذا اولا اضف الى ذلك

تاريخه و انجازاته اللي لازم تشفع له لذلك تحتار بين بيليه و مارادونا

34- وش فريقك المفضل بعد الآرسنال ؟

برشلونه

35- تتابع الكورة السعودية ؟

مباريات الهلال بس