| يارجال خلها على ربك
ولله امس تكلمت في اكثر من موضوع
الانانيه موجوده من زمان واذا كنت تابع الناشئين والشباب فهذا طبع اساسي !! اللعب الفردي والانانيه من سنتين تقريباً وهو هذا الهلال ! ! لاعبين ضعيفين في البنيه الجسميه قصار قامه و لعبهم فردي
والمدرب لايضيف للاعبين اي إمكانيات او تطوير لمهارتهم
من ناحية التحرك بدون كرة
الإنتشار
التمريرات الدقيقه
إستغلال الكرات الثابته والركنيه
التسديد
كل هذا يفتقرها الاعب وهو في هذا السن !! اذا ماتعلم متى يتعلم !!
يصعد للفريق الأول ويتنسق او يعار !! طيب وش أستفدنا !!
يصعد للفريق الأول ومايعرف يتحرك ومايمرر الكره صح ولايفتح الملعب .. وغيرها من الأمور الفنيه ومن اساسيات الكره يفتقدها الاعب السعودي بشكل عام والاعب الهلالي في القطاع السني ..
وشف الفرق بين لاعبين منتخب كوريا الجنوبيه او غانا او نيجيريا ..
(في بطولة كأس العالم لشباب)متطورين ومهارات وإمكانيات كبيره لدى الاعبين واضح لمسات المدرب وتحركات الاعبين داخل الملعب وهم بنفس عمر الشباب الهلال ومانشوف هالإمكانيات موجوده لدى الاعبين مع العلم ان كوريا الجنوبيه كانت خلف المنتخب السعودي والحين تطورو وتعدونـا بمراحل كثيره من جميع الفئات فريق اول وناشئين وشباب
ولاحد يقولي ليش تقارنين الهلال بـ منتخب الكوري ..
لأن الهلال يمتلك الماده والقدره على جلب مدرب متمكن في صقل الاعب الموهوب ويضيف للاعب إمكانيات أكثر
الحين الاعب يصعد وهو من نوع طقها والحقها .. المشكله هم فاهمين ان الموهوب يسحب ويدخل كباري وهذا غلط وين دور الإداري وتنبيهم .. الإفراط في اللعب الفردي مو من صالح الفريق
وعلى الأمير بندر بن محمد الحرص أكثر على الفئات السنيه دفع الغالي والنفيس بس المفروض
يراقب المدربين والإدارين والكشافين ويتناقش معاهم على الوضع ومايترك الحابل بالنابل
وشاطرين يستقطبون لاعبين ويصورون معاهم ويطلعون كلام في الجرايد وماستفدنا منهم شي ومع الأسف ان اغلب الإستقطابات لفئات السنيه محاور او وسط صناع لعب !!
على فكره انا مو متضايقه من الهزيمه سواء في مبارة امس او اليوم
وماهمني تحقيق البطوله لأنها بطولة تنشيطيه
بس الي يهمني اني اشوف لاعب ينبئ له بمستقبل كبير لاعب يعرف أبجديات الكره اذا صعد للفريق الأول لاعب مكتمل فنياً يكون فيه مدرب قادر على صقله الاعب يجيك مهاري بس المهاره ماتكفي لابد من صقل امور أخرى ..  | 