إقتباس خل عنكم اللى ماشاف الصور فاته نص عمره

بانتظار الصور على الخاص..!

إقتباس الناس عندنا تهتم بزخرفة الكلمات والحرص على إخراج الكلمة ( متعوب عليها ) ويكون عند البعض = مثقف ومرات الكلمات البسيطة رغم عمق مظمونها تدل عند البعض عن شخص ( متخلف ) او جاهل

سِعة المفردات.. و حُسن إستخدامها..
هي من مظانِّ الفصاحة.. والله أعلم..!

إقتباس مباراة مهمة ... تعنيلك الكثير .. تحتريها لك أسبوع .. طالع من دوامك علشان تريح شوي قبل ماتبداء .. أول مايصفر الحكم .. بعدها بشوي يطلع مسج بالتفزيون ( لم أتمكن من إيجاد القناة ) وتوها مشتغلة ؟!! قد صارتلي ..

لاتقلّب المواجع يابوطلال..

مباراة الاتحاد و الهلال قبل العام بجدة يوم ناخذ الدوري..
كلّمت اثنين من العيال (يسمعون بشي اسمه كورة) عشان يناظرون المباراة عندي..

يوم رجعت من صلاة العشاء.. و أشغّل الرسيفر و يقول: (مافيه اشارة)..!
المشكلة المغرب كنت اناظر التحليل..!!!!!!!!!!!!!!!!!!!!!!!!

مابقى على المباراة الا خمس دقايق وانا اللي أرقى فوق وأاجيب رسيفر ثاني و اشبكه..
و اروح للسطح واحوس بالدشّ لعلّ وعسى يضبط..
لكن.. بدون فايدة..


وصلوا العيال عند الباب.. و انا قاااااافلة معي..
قلت لهم انقلعوا و لا اشوفكم الا بعد المباراة يا وجيه النحس..!

رحت ادور مقهى.. وكل المقاهي مليانة..
قلت: مالك الا اخوياك الثنين..
و مثل مايقولون: الصديق وقت الضيق..
و ادق على واحدٍ منهم..
قلت له: تقدر تدبر لنا مكان نشوف المتش..
قال: الحقني لبيت خوالي..


والله و نروح لبيت خواله.. و انتهى الشوط الاول بسلام..
و مع صافرة الحكم.. تذكرت اني الظاهر ماسكّرت باب بيتنا من العجلة..<< يعني من الاستعجال
و انطلق للبيت..
بيتنا كان قريب من بيت خوال خويي<< فهمت شي.!؟
بيت خواله كان بالريّان و بيتنا بالروابي..

المهم..
وصلت البيت و اكتشف انّي مسكّر الباب..جاني شعور وقتها اني اقول لابوي: خلنا ننقل من الحارة..!


و ارجع للعيال مرة ثانية..
و اول مادخلت مع الباب.. قال خويي بكل برووووود:
(ياسر جاب قول) لانه لو تتذكر هدف الهلال كان اول خمس دقايق..
قلت: نعم
قال: ياسر جاب قول..
و ماتشوف الا غباري.. وانا اللي اركض بحوش خوال خويي<< مرة ثانية فهمت شي..!؟
على أساس أني فرحان..و انا ماشفت القول الى اللحين.!

و الحمد لله كمّلت المباراة و تمّت على خير..!
<<<
(كيف الرواية) تراها واقعية..


شكرا