نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ..تغطيتي لديربي العـاصمه دوري زين السعودي..[ آلهلاآل Vs النصَر ]..♥【★】

الهـلال · #13 04/10/2009, 10:13 PM

إقتباس


	برايفت/ ياعيال ترا أنا صديقكم {الاسطوره ميسي} بس يوزري موقوف.. وجيتكم من يوزري صديقي إبراهيم لبى قلبه... مشتاقلكم مالت عليكم....راجعيين قريب إن شاء الله.. وهذا يوزري الأصلي.. http://vb.alhilal.com/member.php?u=450082

هلا والله فيك تصدق إننا فقدناك

بس ليه وقفوك < < < لقافة

إقتباس


	آلسلاآم عليكم و رحمة آلله و بركآته.. يآلله حي آلشعب آلهلاآلي..مراحب بجمهور نادي القرن.. هـاردلك لكم التعادل ..فرطنا بنقطتين..معوضين إن شاء الله..

هلا والله بـ عضو شبكة نادي القرن

وإن شاء الله نعوضها بالمباريات الجاية
ونصير بالصدارة بإذن الله

إقتباس


	وانا رايح للمباراه طقت في رأسي آخذ جؤالي.. وألقط لكم كم صورهـ من الملعب.. وانا أصوَر وقت المباراه..حسيت نفسي بروفشنال في التصوير .. بس لما رجعت للبيت ودققت في الصور.. بصراحه .. انصدمت من الحقيقه المــَره.. ألا وهي : إن مابرأسي تصوير..

ههههههههههههه ..
مو منك المشكلة من جوالك < < < بيرفع معنوياته

إقتباس


	لقيت كل الصور نايمه ومالها سنع.. بس بما إني تعبت في التصوير..وماستمتعت في المباراهـ.. من كثر التصوير....قلت أنزلها هنا..حتى لو كلها بايخــه..

إن شاء الله تكون من اللجنة الإعلامية بعد هالتعب

إقتباس


	(1) أومـآ الموقف هـذآ يهـبل وأول مره أحس أني شخص مـآله قيمه<--أخوص تقدر عليه المهم وصلت الملعب وأشتريت تذكره ورحت أشتري شـآل.. كـنت وآقف عند الي يبيعوـون الـشـآلات بجوآر الملعب.. البيآع أنشغل بشي وترك مكآنه ورآح.. المهم وأنـآ وآقف أنتظر البيآع يجي علشآن أشتري.. ويجيني شخص يأخذ شـآل وقـآلي أنت هيه هذا بكم؟؟<-- إهانه صراحة.. يحسبن أنـآ أبيع قسم إني متكشخ ذاك اليوم.. صح إن لبسي موب تقليدي ورسمي وسعودي بس باين إني سعودي.. المهم هو قال تسذا؟؟ أنا إختبصت من هـآلحـآله.. ضحكت وقلت "هاه!!.. لأ موب أنا".. ههه ماعرفت أعبر ضعت.. موب أنا = منب أشتغل هنا وموب أنا الي أبيع <--- التفسير هـآلمره عدت على خير لأني كنت مستعجل وبلحق على مكـآن كويس.. لو أنـآ مروق كـآن والله أن يروح زحلطن..

هههههههههههههههههه
الصراحة موقف خورافي ( الله لا يحطنا مكانك )

بس المرهـ الثانية إلبس لبس الهلال علشان يدري إنك مشجع

إقتباس


	أومـآ هـذآ الـموقف جـآب الـعـقم بس مو لي للـعـسـآكـر ههه.. الـصـرآحه أسمع وأقرآ أن الـعـسـآكـر حقـيـن الـتـفتيش يجيبون المـرض.. وغـير كـذآ تـلقي تـعـآمله مـعـك تقل قـآعد سـكـرتـي عـنـده.. هـذآ غير الي يشتموـون وغير الي يمنع دخـول أشـيـآء عـآديـه.. وكثير قريت موآضيع بآ المنتدى تشكي من الوضع الي صـآير معـهم هـآلزلابه ذولا.. ( عاد خويكم اللي هو أنا حايمه تسبده من هالموضوع ويتحرى شراره بس ) أول مادخلت مع الـبوآبه.. طلع بوجهي حارس أمن وقال: الـشـآل ممـنوع !!. إلتفت عليه وأنا معصب.. وصرخت بوجهه بدون شعور: " بآ المدرج وبدون شـآل" ؟؟ مريض أنت ؟؟ لأني مكلم حارس أمن وقال أكيد انه الـشـآلات مسموحه الأعلام هي الممنوعه.. . يعني خلاص مفروض أدخل بس هالجرثومه ذا شكله تحت تأثير قوآنينآ البآيخه.. قلتله ياخوي وراكم علينا؟؟ علمن علمن وش مسوين لكم الهـلاآليين؟؟ مـآنحضر يعني؟؟ تهبى والله.. المهم..تفاجأ برده فعلي وبلع العافية ههه وإتصل باللاسلكي على خويه.. قال فيه واحد بيدخل بشأل!! قال إيه خله يدخل هذي المبآرآة ( هاه شرايكم أدخل ولا أهون؟؟ هههه ) قلتله هـآه وش صـآر عليك أدخل والا أصبر ضحك بمصاله وقال إيه أدخل . ! قلتله معليش خويي ينتظرني بآ البوآبه رقم 27.. من القهر قلت أبنتقم من هالمصاله وأحسسهم إنهم سمجمج وحركاتهم ذي ماصله....قلت لأخـوـوي رح دور علم رومآنيآ وعلم كوريا نحمس رادوي شوـوي.. المهـم بآقي عـلى المبآرآة نص سـآعه وقلت خـلاآص يكفي سمآجه.. خلنآ نروح نشوـوف إبدآع الأزرق.. وأروح لـلبوآبه رقم 25 وقلتله مسموح أدخل بـآ الشآل..؟ قـآل نعم تفضل أدخل..والله إني موب فاضي ولا كان تمسك عناد ههه.. كان أقول لا موب داخل يابآيخ.. قلت له..أروح عادي الدرب سالك مافيه أشيآء ممنوعه ؟؟ ضحك بمصاله وقال إيه تفضل.. بغيت أستلعن وأخربهآ معه.... بس إني موب فاضي ولا كان تمسك عناد ههه كان أقول لا موب داخل ياحيوان هونت... بس شفت الرجآل تعآمله طيب والمبآرآة بآقي دقآيق وتبدآ قلت يكفي سخـآفه مهب وقته أبد وعدكم لمآ أحضر مره ثآنيه..

خخخخخخخخخخخخخخ
صدق هالعساكر يرفعون الضغط ..
لو أنا منك كان لفعت اللي يقول ممنوع دخول الشال ..

شي مو معقول ..
هالعساكر ( مسكات ) إذا كان فاضي جآ و رفع ضغطك ..

إقتباس


	كـآن فيه شخص قآعد يشجع بحمآس عندي وأنـآ خقيت الصدز.. وكل برهه من الزمن يقوـوم يكرر حمآسه ويقول عليهم عليهم .. أندمجت مع الحمآس أن وعليت صوتي معه عليهم عليهم والاحظ ان هـآلشخص يعلي صوته اعلى مني وانا اعلي وهو يعلي.. (صارت مسابقه حشى مو تشجيع) وبالاخير فازعلي... وصـآر حظي نحس ونحس ونحس لابعد درجه تتصورونها.. ولكن مـآفآز الا بعد طلعة الروح وبعد فزعه من بعض الي بجوآره سحقآ لهم..

ههههههههههه
( سحقا لهم ) متعوب عليها شكلك مكثر أفلام أجنبية

إقتباس


	][..مشاهـد من الملعب..][ 1- وصلنا الاستاد الساعه الـ 4 العصريه...طبعا كان الجمهور قليل ومع الوقت يكثر.. المغرب امتلئات الواجهه المخصصه للجمهور الهلالي...مع بدء المباراة أمتلات المدرجات الهلاليه كلها ماعدا خلف المرامي...

أوووف وش جايبك العصر ..

درجة الحرارة 45 ..
أنت مثال على المشجع المخلص ..

إقتباس


	2- مييير أني جاي مبكر للملعب العصر...جلست مع أعضاء مجلس الجمهور الهلالي.. الأخوان تركي الهديب ومازن العسرج..وياسر الطلاسي..سولفت معهم شوي عن أمور الرابطه...والتجهيزات للمباراة..وصراحه أشكرهم قدمو جهد خورافي.. وقدرو يرتبون الجماهير..ماقصرتو...

ألف شكر لهم

إقتباس


	3- حماده {أبو طبله} دردشة معه شوي...بس كان معصب... سئلته عن توقعه للديربي قال 1-0 لنا...وأحسن شي بالجمهور التفاعل مع طبلة حمادة.. جمهور الواجهه كله مع طبلة حماده وتشجيع..لكن لما رجعت وشفتها على الإرتي...شي غريب صوت الجمهور مختفي حتى صور للجمهور مافي..!!

لا تعليق صراحة

إقتباس


	4 - كالعاده وبأخلاقهم المعهوده...جماهير النصر تردد أكثر من عبارة مسيئه للأعبي الهلال وللنادي..تقابلها جماهيرالهلال بصيحات أستهجان...والأهازيج المعروفه عن الهلال..هنا سؤال..أيين لجنة الإنظباط... الإسائات تكررت..ولكن لاتعليييييييييييق...!!

من أَمِنَ العقوبة أساء الأدب

إقتباس


	5- مع أذان صلاة العشاء جماهير النصر وبقيادة رابطتهم...تدق الطبول وترفع الأغاني والأذان ترفع...ماكان ناوي يسكت الى بعد مارفع جماهير الهلال يده يشير لهم با السكوت با السكووت...لاتعلييييييييييييييق...!

إستغفر الله العظيم

إقتباس


	6- مجلس الجمهور الهلالي قدم شغل بطل نظمو الجماهير.. وزعو تيشرتات بلاستيكيه على الجماهير....ومع دخول الاعبيين تم رفعها...وطلع المدرج كله ازرق.. .برضو جماهير الهلال نبيها كل أبو دايم كذا....خلوها زرقاء نبيها تبحر.. طبعا مجلس الجمهور الهلالي يستاهل الشكر على الشغل الي سواه با الديربي..

ألف شكر لـ مجلس الجمهور الهلالي على هالجهود

إقتباس


	7- عرضت على الساعه الإلكترونيه با الملعب..دعاية {موبايلي الهلال} مهما كان التحدي دائما با القمه....تفاعلت معها الجماهير الهلاليه وقدمت تحيه على طريقتها الخاصه لـ شركة موبايلي على الدعايه البطله..

موبايلي .. عالم من إختياري

إقتباس


	8- أول من نزل لأرض الملعب الكابتن محمد الدعيع وسط صيحات الجماهير الهلاليه وقابلها الدعيع با المثل....بعدها..نزل سامي لأرض الملعب..وهز الأستاد.. المدرج كله ينادي سامي سامي..أشار الأسطوره على رئسه ومره.. على قلبه..كرد التحيه لعشاقه....أستمرت التحيه للكابتن سامي الجابر طويلا...

يستاهلون لاعبين القرن ..

( رضا من رضا وأبى من أبى

)

9

إقتباس


	- بعدها نزل لأعبي نادي القرن لأرض الملعب...وصارت حريقه با الاستاد.. الجمهور شعلل وأنطرب وتفاعل وشجع..جماهير الجار تتفرج علينا..قدمت الجماهير الهلاليه خصوصا الي عند الرابطه تحيه خاصه لـ نيفيز قبل المباراة لكي ترفع من معنوياته...وهي تياقو 3 صفقات نيفيز..

الصراحة جمهور الهلال خورافي بالمباراة ..

إقتباس


	10-بعد نهاية المباراة أتجه الأعبيين للجماهير لتحيهم...وقابلها الجمهور الهلالي با المثل... جماهير النصر تغني بعد نهاية المباراة لـ فريقها وشكلها مبسوطه على التعادل..!!

خخخخخخخخخخخخخ
مين قدهم ..
تعادلوا مع نادي القرن ..

إقتباس


	هذا وأنا أخوكم..شال هلالي رفضو العشاكر يدخلونه..!! يعني مدري إيش السبب..قلت أخذ صوره عشان تشوفون كيف الوضع صاير..رفض تام لشال..لماذا..هل الشال يسبب ضرر على الجماهير أم الأعبيين...لاتعليق لكم الصوره..؟

والله العظيم شي يقهر

إلى متى السكوت ..؟!

إقتباس


	هالحين وبعد ماخلصنا من الصور والحوسه والبثاره.. بقولكم شي ماله دخل با الموضوع بتاتا البته.. تذكرون هبال يوسف....اذكر يوسف كان الهلال عنده مدرب عله وسامج لابعد درجه اذا ماخب ضني ان اسمه ماتورانا.. المهم باحد المباريات خنبق المدرب خنبقة اعوذ بالله ويجي يوسف يمسك اللعيبه ويقولهم تعالوا خطة المدرب انسوه بنسوي كذا وكذا وفعلا صح كلام يوسف وفاز الهلال اللي لو مشى على كلام المدرب ضاع .. ( ترى السالفه مب قديمه بالحيل بس انا اتذكره في ما معناه ولو فيه تصحيح صححوا ) الشاهد والمستفاد من هالقصه بما انه جيرتس مصر على سالفة تغيير المراكز ليش عيسى وياسر ما يتفقون ويسوون مثل حركة يوسف ويهبلون بشايبنا يمكن يغير نظرته <-- لا عاد تقترح.. يالبى طاريك يا يوسف

هههههههههههههههـ
صراحة حلوهـ الفكرة ..

الله يقطع إبليسك يا يوسف ..

إقتباس


	في الختام أتمنى منكم العذر والسموحه على الصور اللي مدري وش تبي.. بس بما إنها اول مرهـ بإذن الله الجايات أفضل... ولا أنسى اتقدم بالشكر الجزيل..الى صديقي إبراهيم.. حبيب قلبي واقوله بهذه المناسبه الجميله : ترى تصويرك زي وجهــك.. محبكم: الأسطوره ميسي..منصور الوهيبي.. تحياتي لكم جميعاً..

خخخخخخخخخخخخخ
فطست ضحك من هذي الجزئية

وأخيرا أشكرك على الموضوع والصور الحلوة من جنبها < < < تحطيم

أمزح أمزح ..
لا تصدق ..

أخيرا /

دمت بود
أخوك / الهـلال ( خالد )

وآسف على الإطالة